شەتەلدىك ۆاليۋتا ساۋداسىنىڭ كولەمى ارتتى

ءساۋىر ايىندا شەتەل ۆاليۋتالارىنىڭ نارىعىنا 32 KASE مۇشەلەرى قاتىستى.
2018-جىلدىڭ ءساۋىر ايىندا شەتەل ۆاليۋتالارى ساۋدا-ساتتىعىنىڭ كولەمى وتكەن ايمەن سالىستىرعاندا %89,2 ارتىپ (2 ەسە) نەمەسە 682,3 ميلليارد تەڭگەگە ارتقان.
«ا ق ش تاراپىنان رەسەيگە قارسى جاڭا سانكسيالار ەنگىزۋ تۇرىندەگى سىرتقى شوتتار USD/RUB باعامىنىڭ جوعارى وتىمدىلىگىنىڭ سەبەبىنەن، ءرۋبلدى تەڭگەگە قاتىستى السىرەتتى. نەگىزگى ساۋدا-ساتتىق سەرىكتەستىنىڭ ۆاليۋتاسىنىڭ السىرەۋى تەڭگەنىڭ دوللارعا قاتىستى قۇلدىراۋىنا سەبەپ بولدى. وسىلايشا، 10 ءساۋىر كۇنى ساۋدا-ساتتىق كولەمى 807,5 ميلليون دوللاردى قۇراپ، 2014-جىلدىڭ جەلتوقسانىنان بەرگى جوعارعى كورسەتكىش بولىپ وتىر. ال 9 جانە 11- ءساۋىر ارالىعىنداعى دوللاردىڭ باعامى 10 تەڭگەگە ءوستى. ءساۋىر ايىنىڭ ەكىنشى جارتىسىندا ءبىر باررەلگە 70 ا ق ش دوللارىنان استام باعامەن ساۋدالانعان Brent ەتالوندى ماركاسىنىڭ بەلگىلەنگەن جوعارعى قۇنى نارىق قاتىسۋشىلارى تاراپىنان ەلەنبەدى»، - دەدى «قازاقستان قور بيرجاسى» ا ق ءتوراعاسىنىڭ ورىنباسارى اندرەي تساليۋك.
رەسەي ءرۋبلى ءساۋىر ايىنىڭ قورىتىندى ەسەبىندە تەڭگەدەن %5,1 - عا تومەندەگەن. ال تەڭگە اتاۋلى شامادان %2,2 عا السىرەگەن. دوللارعا قاراعاندا ۇلتتىق ۆاليۋتا يۋاننان %1,7 عا ازايىپ، دوللار مەن ەۆرو كۋرسى تەڭگەدەن %0,2 عا وسكەن.
«ەگەر بۇعان دەيىن دوللار ساۋداسى 320 تەڭگە شاماسىندا بولسا، قازىر رەسەي رۋبلىمەن تەڭەسىپ 327 تەڭگەگە كوتەرىلگەن»، - دەدى اندرەي تساليۋك.
KASE ءتوراعاسى ورىنباسارىنىڭ ايتۋىنشا، مۇنايدىڭ باعاسى ءوسىپ، شەتەلدىك ترەيدەرلەردىڭ قازاقستان ۆاليۋتاسىنىڭ تۇراقتاپ تۇرعانىنا قىزىعۋشىلىق تانىتىپ وتىرعانىن ەسكەرسەك جاقىن ارادا ۆاليۋتا باعامىنىڭ قۇلدىراۋىنان قاۋىپ جوق دەپ ايتۋعا بولادى.
اۆتورى: ارايلىم جولدىبايەۆا