08:47, 17 - مامىر 2018 | GMT +5
كانەلونىڭ پروموۋتەرى گولوۆكينمەن وتەتىن ەكىنشى كەزدەسۋ تۋرالى پىكىر ءبىلدىردى
استانا. قازاقپارات - مەكسيكالىق بوكسشى ساۋل الۆارەستىڭ (49-1-2، 34 ك و) پروموۋتەرى وسكار دە لا حويا گەننادي گولوۆكينمەن (38-0-1، 34 ك و) قىركۇيەكتە ءوتۋى ءتيىس رەماتچ تۋرالى پىكىر ءبىلدىردى، دەپ حابارلايدى قازاقپارات Sports.kz سايتىنا سىلتەمە جاساپ.

«مەن بۇل ءىستى اياعىنا دەيىن اپارا الامىز دەگەن ويدامىن. گولوۆكيننىڭ كومانداسى «كانەلوعا» ءبىرشاما كەربەزدەنە قارايدى. ءبىراق اركىمنىڭ ءوز كەلىسسوز جۇرگىزۋ ءتاسىلى بار. ال مەنىڭ بۇگىنگى قالىپتاسقان جاعدايعا كوڭىلىم تولادى. ارينە، ازىرگە ناقتى مەرزىمدى بەلگىلەگەن جوقپىز. ءبىراق ونىڭ جاقىن كۇندەردە بەلگىلى بولاتىنى ءسوزسىز، ويتكەنى بىزگە جۇمىس ىستەۋ كەرەك»، - دەدى دە لا حويا.
رەماتچ 15 -قىركۇيەككە، مەكسيكانىڭ تاۋەلسىزدىك كۇنىنە بەلگىلەنگەن. «كانەلونى» سپورتتان شەتتەتۋ مەرزىمى 17 -تامىزدا اياقتالادى.