ايگىلى تورەشى ءومىر بويىنا جازالاندى

بىرەر كۇن بۇرىن عانا ساۋد ارابياسىنىڭ فۋتبول فەدەراتسياسى اربيتر فاحاد ءال- ءميرداسيدى ءومىر بويىنا سپورتتان شەتتەتتى. تورەشى ماۋسىم ايىندا رەسەيگە كەلۋى ءتيىس ەدى.
بىرنەشە كۇن بۇرىن رەفەري ەل كۋبوگىنىڭ فينالىندا كەزدەسەتىن « ءال- فايسال» مەن « ءال- يتتيحاد» كوماندالارىنىڭ اراسىنداعى ماتچقا باس تورەشى بولىپ تاعايىندالعان. الايدا سوڭعى ساتتە ونى ويىننان الاستاپ، ونىڭ ورنىنا مارك كلاتتەنبۋرگتى تاعايىندايدى. ارابيالىق ب ا ق- تىڭ حابارلاۋىنشا ءال- ميرداسي كوماندالاردىڭ بىرىنە حابارلاسىپ، كەرەكتى ناتيجەنى جاساپ بەرۋ ءۇشىن اقشا سۇراعان.
11 - مامىر كۇنى كەشكىلىك ءال- ميرداس كلۋب قىزمەتكەرىنە حابارلاسىپ، وعان ماتىندىك حابارلاما جىبەرگەن. كلۋبتىڭ جەڭىسىنە كومەكتەسەمىن دەپ اقشا بوپسالاي باستاعان. ال كلۋب قىزمەتكەرى بۇل تۋرالى بىردەن فەدەراتسياعا حابارلايدى. سودان كەيىن ءىس مەملەكەتتىك ورگاندارعا جەتكىزىلگەن» دەپ حابارلادى اراب فۋتبول فەدەراتسياسى. قازىرگى تاڭدا تورەشى ۇستالعان. ول ءوز كىناسىن مويىنداپتى.
بۇل تورەشى بىلتىر رەسەيدەگى كونفەدەراتسيا كۋبوگىندا جۇمىس ىستەگەن. مەكسيكا- رەسەي ماتچىندا بەينەجازبانى قايتا قاراپ، ءبىراق مەكسيكالىقتاردىڭ قاقپاسىنا پەنالتي بەلگىلەمەي قويعان ەدى. سودان كەيىن مەكسيكا قاقپاسىنا وفسايدتان سوعىلعان گولدى ەسەپتەمەدى.
اباي ايماعامبەت
«ايقىن»