توعىز مىڭعا جۋىق مۇعالىم اعىلشىن تىلىندە وقىتۋ كۋرسىنان ءوتىپ جاتىر

استانا. قازاقپارات - جاراتىلىس تانۋ عىلىمدارى باعىتىنداعى پاندەردى اعىلشىن تىلىندە وقىتۋ ءۇشىن بيىل 8871 مۇعالىم بىلىكتىلىكتى ارتتىرۋدىڭ تىلدىك كۋرستارىنان وتەدى. بۇل جايلى ماجىلىسمەندەردىڭ دەپۋتاتتىق ساۋالىنا جاۋاپ بەرگەن ۇكىمەت باسشىسى باقىتجان ساعىنتايەۆ ايتتى،
None
None

  دەپ حابارلايدى قازاقپارات ءتىلشىسى.

«مينيسترلىك (ب ع م - اۆت.) جەرگىلىكتى اتقارۋشى ورگاندارمەن بىرلەسىپ جوعارى سىنىپتاردا جاراتىلىستانۋ عىلىمدارى باعىتىنداعى (ج ع ب) ءپاندەردى وقىتۋدى ۇيىمداستىرۋ ءۇشىن پەداگوگيكالىق كادرلاردىڭ الدىن الا قاجەتتى سانى 18,4 مىڭ ادام ەكەنىن انىقتادى. سونداي- اق، ۆەدومستۆو بىلىم بەرۋ ۇيىمدارىن، ونىڭ ىشىندە اۋىل مەكتەپتەرىن كادرلىق قامتاماسىز ەتۋ بويىنشا شارالار قابىلدادى.

 وسىلايشا 2016-2017 -جىلدارى بىلىكتىلىكتى ارتتىرۋ كۋرستارىمەن اعىلشىن تىلىندە وقىتۋدىڭ «Clil» ادىستەمەسى بويىنشا  12337 ج ع ب ءپانىنىڭ مۇعالىمى قامتىلدى (8385  مۇعالىم A2 دەڭگەيىندە، 3952 - B1-C2 دەڭگەيىندە). 2018 - جىلى 8871  مۇعالىم كۋرستاردى جالعاستىرادى (B2 دەڭگەيىنە دەيىن). اتالعان كۋرستارمەن 2019 جانە 2021 -جىلدارى 3050  مۇعالىم قامتىلاتىن بولادى»، - دەلىنگەن پارلامەنت ءماجىلىسىنىڭ سايتىندا ورنالاستىرىلعان پرەمەر- ءمينيستردىڭ جاۋابىندا.

جاۋاپقا سايكەس، اعىمداعى وقۋ جىلىندا 2095  پەداگوگ ج ع ب ءپاندەرىن اعىلشىن تىلىندە وقىتۋدا (نەمەسە اعىلشىن تىلىندە وقىتۋدىڭ ءپان ەلەمەنتتەرىن قولدانۋدا). كۋرستاردان وتكەنى تۋرالى سەرتيفيكات العان ساتتەن باستاپ مۇعالىمدەر مەكتەپتە كەمىندە 3 جىل جۇمىس ىستەۋگە مىندەتتى.

«زەينەتكەرلىك جاسقا (58 جاس جانە ودان جوعارى) جاقىن (ج ع ب ءپاندەرى بويىنشا) مۇعالىمدەر سانى 3632 ادامدى قۇرايدى. ولاردىڭ ىشىندەگى 2157  ءپان مۇعالىمىنىڭ تىلدىك كۋرستاردا وقۋدان باس تارتۋى كادرلارمەن قامتاماسىز ەتۋ ماسەلەسىن شەشۋگە كەرى اسەرىن تيگىزبەيدى. بيىلعى وقۋ جىلىندا 76 جوعارى وقۋ ورنىندا اعىلشىن تىلىندەگى پەداگوگيكالىق ماماندىقتار بويىنشا  6677  ادام ءبىلىم الىپ جاتىر»، - دەلىنگەن جاۋاپتا.

مەملەكەت باسشىسىنىڭ بەس الەۋمەتتىك باستاماسىنىڭ بىرىنە سايكەس، بيىل ستۋدەنتتەرگە قوسىمشا 20 مىڭ بىلىم بەرۋ گرانتى بولىنەتىنى بەلگىلى. ۇكىمەت باسشىسىنىڭ حابارلاۋىنشا، 20 مىڭ گرانتتىڭ مىڭى پەداگوگيكالىق ماماندىقتارعا، سونىڭ ىشىندە اعىلشىن تىلىندە وقىتاتىن ماماندىقتارعا بولىنگەن.

«وسىعان بايلانىستى كورسەتىلگەن شارالاردى ىسكە اسىرۋ مەكتەپتەردى كادرمەن قامتاماسىز ەتۋ ماسەلەسىن شەشۋگە ىقپال ەتەتىن بولادى»، - دەپ جاۋاپ بەردى باقىتجان ساعىنتايەۆ.

 ايتا كەتسەك، «نۇر وتان» پارتياسى فراكسياسىنىڭ ءبىر توپ مۇشەلەرى (ي. ارونوۆا، ە. بەكتۇرعانوۆ، ق. ەرجان، ب. ەرتايەۆ، ق. جاقىپوۆ، ج. جاراسوۆ، ق. سۇلتانوۆ، ا. تاسبولاتوۆ، ب. ىزمۇحامبەتوۆ، يۋ. تيموشەنكو) ۇشتىلدىك ءبىلىم بەرۋ جۇيەسى بويىنشا كادرلىق ماسەلەلەر قالاي شەشىلەتىنىن بىلمەك ماقساتتا ۇكىمەت باسشىسى باقىتجان ساعىنتايەۆقا دەپۋتاتتىق ساۋال جولداعان بولاتىن.

اۆتور: ايان بەكەن ۇلى

سوڭعى جاڭالىقتار