ادۆوكاتتار بيشىمبايەۆتى اپەللياتسيالىق سوت وتىرىسىنا قاتىستىرۋدى سۇراپ وتىر

اپپەلياتسيالىق سوت وتىرىسىندا قۋاندىق بيشىمبايەۆ پەن وسى ىسكە قاتىستى سوتتالعان وزگە دە ادامداردىڭ وتىنىشتەرى قابىلدانىپ جاتىر. ءوز كەزەگىندە قۋاندىق بيشىمبايەۆتىڭ ادۆوكاتى سەيىت راحمانوۆ بيشىمبايەۆتى سوتتان اپپەلياتسيالىق سوت وتىرىسىنا قاتىستىرۋدى سۇرادى.
«قازىرگى ۋاقىتتا سوتقا جاڭا دالەلدەر مەن جاۋاپتار كەلتىرىلدى. ول جاۋاپتار كومپانيا ديرەكتورى سماعۇلوۆتان الىنعان. ابىشيەۆتىڭ قۇجاتتارى دا، بۇل دالەلدەر دە مەنىڭ قورعاۋىمداعى بيشىمبايەۆتىڭ مۇددەسىنە بايلانىستى ەپيزودتارمەن قاتىسى بار. وسىعان بايلانىستى بيشىمبايەۆتىڭ وسى سوت وتىرىسىنا قاتىسۋى تۋرالى اپپەلياتسيالىق ءوتىنىشتى قابىلداۋىڭىزدى سۇرايمىن»، - دەدى راحمانوۆ.
«قۇرمەتتى سوت. مەن بيشىمبايەۆتىڭ سوتقا قاتىسۋىنا رۇقسات ەتۋىڭىزدى سۇرايمىن. ول ءوتىنىش بەرگەن. ول مەنىڭ قولىمدا. مەن ادۆوكات راحمانوۆقا قوسىلامىن»، - دەدى قورعاۋشى بيشىمبايەۆا.
ەسكە سالا كەتسەك، 14- ناۋرىز كۇنى استانا قالاسى قىلمىستىق ىستەر بويىنشا مامانداندىرىلعان اۋدانارالىق سوتىندا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ پەن وسى ىسكە قاتىستى وزگە دە سوتتالۋشىلارعا سوت ۇكىمى شىققان بولاتىن. سوت ۇكىمىمەن قۋاندىق بيشىمبايەۆ مۇلكىنىڭ تاركىلەنىپ، 10 جىلعا سوتتالعان. سونىمەن بىرگە، ول ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلعان ەدى.
ايتا كەتسەك، 2017-جىلدىڭ 10- قاڭتارىندا سىبايلاس جەمقورلىققا قارسى ۇلتتىق بيۋرو بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتىڭ ۇستالعانىن حابارلاعان بولاتىن. ۇلتتىق بيۋرودان ءمالىم ەتكەندەي، ول ءبىرقاتار اداممەن الدىن الا كەلىسىپ، ءىرى كولەمدە بىرنەشە مارتە پارا الدى دەپ ايىپتالعان. بيشىمبايەۆ قىزىلوردا قالاسىندا اينەك شىعاراتىن جانە وڭدەيتىن زاۋىت سالۋ بارىسىندا «Orda Glass» ج ش س- نىڭ ۆەدومستۆولىق باعىنىستاعى كومپانياسى مەن ونىڭ مەردىگەرلىك ۇيىمى «شىمكەنت حيممونتاج» ج ش س ارقىلى 1 ميلليارد تەڭگە جىمقىرۋ قىلمىستىق سحەماسىن ۇيىمداستىردى دەگەن ايىپپەن سوتتالعان.
بۇدان كەيىن ءى ءى م قىلمىستىق- اتقارۋ جۇيەسى كوميتەتىنىڭ ءتوراعاسى ازامات بازىلبەكوۆ 10 جىلعا سوتتالعان بۇرىنعى ۇلتتىق ەكونوميكا ءمينيسترى قۋاندىق بيشىمبايەۆ جازاسىن قاي تۇزەۋ مەكەمەسىندە وتەيتىنى تۋرالى ايتقان بولاتىن.
«استاناداعى قاۋىپسىزدىگى جوعارى بىردەن-ءبىر مەكەمە - 166/10 تۇزەۋ كولونياسى»، - دەدى استانادا قىلمىستىق-اتقارۋ جۇيەسى بويىنشا وتكەن قوعامدىق تىڭداۋدا جۋرناليستەر سۇراعىنا جاۋاپ بەرگەن بازىلبەكوۆ.
ونىڭ ايتۋىنشا، سوتتالعان بۇرىنعى مينيسترگە ەشقانداي ارتىقشىلىقتار بەرىلمەيدى.
اۆتور: ايان بەكەن ۇلى