قازاقستاندا بەت-الپەتتى تانۋعا كەدەرگى كەلتىرەتىن كيىم-كەشەكتەرگە شەكتەۋ ەنگىزىلمەك

استانا. قازاقپارات - قازاقستاندا بەت-الپەتتى تانۋعا كەدەرگى كەلتىرەتىن كيىم-كەشەكتى قوعامدىق ورىنداردا كيىپ جۇرۋگە تىيىم سالانۋى مۇمكىن.
None
None

بۇل تۋرالى پارلامەنت ءماجىلىسىنىڭ جالپى وتىرىسىندا ق ر ءدىن ىستەرى جانە ازاماتتىق قوعام ءمينيسترى دارحان قالەتايەۆ ءمالىم ەتتى، دەپ حابارلايدى قازاقپارات.

اتاپ ايتقاندا، جالپى وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءدىني قىزمەت جانە ءدىني بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانىپ جاتىر.

«بۇگىنگى تاڭدا مەملەكەتتىڭ ءدىن سالاسىنداعى ساياساتى ەلىمىزدەگى ءتۇرلى ەتنوستار مەن ءدىني توپتار وكىلدەرىنىڭ بەيبىت ءومىر ءسۇرۋىنىڭ، كونفەسسياارالىق كەلىسىمنىڭ كەپىلى بولىپ وتىر دەپ تولىق سەنىممەن ايتا الامىز. مەملەكەتتىڭ ءدىني بوستاندىعىن قامتاماسىز ەتۋ سالاسىنداعى قۇقىقتىق بازاسى الەمدىك دەموكراتيالىق ستاندارتتارعا تولىقتاي سايكەس كەلەدى. مۇنى وسى باعىتتا زەرتتەۋ، تەكسەرۋ جۇرگىزەتىن حالىقارالىق، قۇقىقتىق ۇيىمدار دا، ساراپشىلار دا راستايدى. الايدا، وزدەرىڭىز بىلەسىزدەر، سوڭعى جىلدارى الەمدە قالىپتاسقان گەوساياسي، ءدىني احۋال، ەكسترەميزم مەن تەرروريزمنىڭ كۇشەيۋى ءدىن سالاسىنداعى ۇستانىمدار مەن نورماتيۆتىك، قۇقىقتىق نورمالاردى جەتىلدىرۋدى تالاپ ەتىپ وتىر. بۇل الەمنىڭ بارلىق ەلدەرىنىڭ باسىنداعى جاعداي. بۇل ماسەلە ءبىزدى دە اينالىپ وتپەيدى. سوندىقتان، ءدىن سالاسىنداعى زاڭنامانى جەتىلدىرۋگە باعىتتالعان قادامدار مەملەكەتتىڭ قاۋىپسىزدىگى مەن تۇراقتىلىعى ءۇشىن اۋاداي قاجەت دەپ سانايمىز. زاڭ جوباسىن ازىرلەۋ بارىسىندا شەتەلدىك زاڭناما نورمالارىن زەردەلەۋگە جانە ونىڭ قولدانىلۋىنا ەرەكشە كوڭىل بولىنگەنىن باسا ايتقىم كەلەدى»، - دەدى مينيستر.

بەلگىلى بولعانداي، جوبادا 12 زاڭ اكتىسىنە، سونىڭ ىشىندە 3 كودەكس پەن 9 زاڭعا 53 تۇزەتۋ ەنگىزۋ كوزدەلگەن.

«زاڭ جوباسىنىڭ ەڭ ماڭىزدى نورمالارىنا توقتالساق، ونى شارتتى تۇردە ءۇش بلوككا بولدىك. ءبىرىنشى بلوكقا ءدىندى دەسترۋكتيۆتى ماقساتتارعا قولدانۋعا جول بەرمەۋگە باعىتتالعان تۇزەتۋلەر كىرەدى. اتاپ ايتقاندا، «دەسترۋكتيۆتى ءدىني اعىم» جانە «ءدىني راديكاليزم» دەگەن جاڭا ۇعىمدار ەنگىزىلەدى. بۇل ۇعىمداردى ەنگىزۋ جانە دەسترۋكتيۆتى ءدىني اعىمداردىڭ يدەولوگياسىن، اتريبۋتتارى مەن سىرتقى بەلگىلەرىن تاراتۋعا تىيىم سالۋ ارقىلى سىرتتان ەلىمىزگە جات يدەلوگيانىڭ ەنۋىنە توسقاۋىل قويۋعا مۇمكىندىك بەرەدى. جوبادا بەت-الپەتتى تانۋعا كەدەرگى كەلتىرەتىن كيىم-كەشەكتى قوعامدىق ورىنداردا كيىپ جۇرۋگە تىيىم سالۋ كوزدەلگەن. مۇنداي شارالاردى ەنگىزۋ ازاماتتاردىڭ قاۋىپسىزدىگى ءۇشىن قاجەت. ايتا كەتەيىن، مۇنداي نورمالار بەلگيانىڭ، فرانسيانىڭ، بولگاريانىڭ، اۆستريانىڭ جانە باسقا دا ءبىرقاتار مەملەكەتتەردىڭ زاڭدارىندا قولدانىلادى. بۇل نورما دىنگە عانا قاتىستى ەمەس، سول سەبەپتى ول «قۇقىق بۇزۋشىلىقتىڭ الدىن الۋ تۋرالى» زاڭعا ەنگىزىلىپ وتىر»، - دەپ ناقتىلادى د. قالەتايەۆ.

اۆتور: رۋسلان عابباسوۆ

سوڭعى جاڭالىقتار