قىتايدان كەلگەن فارحات حاركي قازاقستان چەمپيوناتىندا توپ جاردى

استانا. قازاقپارات - شىمكەنتتەگى ءوتىپ جاتقان اۋىر اتلەتيكادان ق ر جەكە كوماندالىق كۋبوگى مەن چەمپيوناتىنىڭ ەكىنشى كۇنى تارتىسقا تولى بولدى، دەپ حابارلايدى قازاقپارات ءتىلشىسى.
None
None

ق ر اۋىر اتلەتيكا فەدەراتسياسىنىڭ باسپا ءسوز قىزمەتى ءمالىم ەتكەندەي، اتالعان دودانىڭ ەكىنشى كۇنى جانكۇيەرلەر ءۇشىن جارقىن ەموتسيالار مەن قايتالانباس ساتتەرگە تولى بولدى.

الدىمەن ەرلەر سىنعا ءتۇستى. 62 كەلى سالماقتا ريو وليمپياداسىنىڭ قولا جۇلدەگەرى فارحات حاركيگە تەڭ كەلەر ەشكىم بولمادى. جۇلقي كوتەرۋدە ءبىر عانا مۇمكىندىك پايدالانعانىنا قاراماستان (115+150) سپورتشى كوش باستادى. وسى ورايدا ايتا كەتەيىك،  فارحات حاركي   2012-جىلعى   لوندون وليمپياداسىنىڭ الدىندا قىتايدان قازاقستانعا قونىس اۋدارعان بولاتىن. ەكىنشى ورىندى قىزىلوردا وبلىسىنىڭ وكىلى ەراسىل ەرگەنباي (101+135) يەلەندى. ءۇشىنشى ورىنعا تۇراقتاعان قوس بىردەي سپورتشى ۆلاديمير ابراموۆ (106+129) پەن يگور ۆوۆچۋك (105+130) باسەكەنى بىردەي ناتيجەمەن (235 كەلى) اياقتادى. الايدا، ەرەجەگە سايكەس، قولا جۇلدە بۇل سالماقتى العاشقى بولىپ باعىندىرعان ۆلاديمير ابراموۆقا بۇيىردى.

ايەلدەر اراسىندا 58 كەلىگە دەيىنگى سالماق دارەجەسى بويىنشا ساۋلە سادۋاقاسوۆا (91+121) جەڭىمپاز بولدى. ەكىنشى، ءۇشىنشى ورىنداردى ش ق و اتلەتتەرى ليديا انۋفريەۆا (83+102) مەن ەليزاۆەتا بەلوۋسوۆا (74+92) جەڭىپ الدى.

40 كەلىدە اسەم سادىقوۆا قارسىلاسى الەكساندرا ياكوۆليەۆادان (83+102) وزىپ، ءبىرىنشى ورىنعا (100+125) قول جەتكىزدى. جەڭىس تۇعىرىنىڭ ءۇشىنشى ساتىسىنا ماحاببات سەرىكبول قىزى جايعاستى.

ەستەرىڭىزگە سالا كەتەيىك، اۋىر اتلەتيكادان ق ر جەكە كوماندالىق كۋبوگى مەن چەمپيوناتىنا ەلىمىزدىڭ 14 وبلىسىنان جانە الماتى، استانا قالالارىنان 132 اتلەت قاتىسۋدا.

بۇگىن، ياعني 16- مامىر كۇنى جارىس الاڭىنا ايەلدەر اراسىندا -90 جانە 90+ كەلى سالماقتاعى اتلەتتەر شىقسا، ەرلەردەن 77 كەلى سالماقتىڭ مىقتىلارى انىقتالادى.

اۆتور: كۇنسۇلتان وتارباي

سوڭعى جاڭالىقتار