قازاقستاندىق دزيۋدوشىلار ەۋروپا كۋبوگىندا ەكىنشى ورىن الدى

ق ر دزيۋدو فەدەراتسياسىنىڭ باسپا ءسوز قىزمەتى ءمالىم ەتكەندەي اتالعان دوداعا قازاقستاننان 27 تاتامي شەبەرى قاتىسقان. ال جالپى الەمنىڭ 16 ەلىنەن 279 دزيۋدوشى جۇلدەگە تالاستى.
جارىسقا قاتىسقان وسى 20 عا جۋىق ەلدەردىڭ اراسىندا قازاقستان سپورتشىلارى 1 التىن، 1 كۇمىس جانە 2 قولا مەدالعا قول جەتكىزىپ، تۋرنير كەستەسىندە 2- ورىنعا جايعاستى.
جارىستىڭ ءبىرىنشى كۇنىندە 73 كەلىگە دەيىنگى سالماقتا قازاقستان ساپىنان تاتاميگە شىققان نۇرلان ورازالين قارسىلاس شاق كەلتىرمەي، جارىس جەڭىمپازى اتاندى. ال ءدال وسى سالماقتا نۇرلان ورازالينگە جارتىلاي فينالدا جول بەرگەن تاعى ءبىر وتانداسىمىز ماديار سەمبايەۆ جارىستىڭ قولا جۇلدەسىن قاناعات تۇتتى.
ال بۇرىمدى بالۋانداردان بوز كىلەمدە بەلدەسكەن نازگۇل ماراتوۆا 78 كەلىگە دەيىنگى سالماقتا كۇمىس السا، 70 كەلىگە دەيىنگى سالماقتا سىنعا تۇسكەن اجار سالىقوۆا ەل قورجىنىنا ەكىنشى قولانى سالدى.
اۆتور: كۇنسۇلتان وتارباي