10:10, 16 - مامىر 2018 | GMT +5
شىمكەنتتە ءبىر عاسىردان استام ۋاقىتتان بەرى تۇرعان مونشانى بۇزىپ جاتىر
شىمكەنت. قازاقپارات - شىمكەنتتە 1 عاسىردان استام ۋاقىتتان بەرى تۇرعان تۇركىستان مونشاسىن بۇزىپ جاتىر، دەپ حابارلايدى قازاقپارات ءتىلشىسى.

«قازىر جۇمىسشىلار مونشانىڭ توبەسىن اشۋعا كىرىستى. عيماراتتىڭ يەسىنە وتەماقى تولەنگەن»، - دەيدى قالا اكىمدىگىنىڭ وكىلدەرى.
ايتا كەتەيىك، ⅩⅨ عاسىردىڭ ەكىنشى جارتىسىندا سالىنعان مونشا تۇركىستان كوشەسىندەگى ەڭ كونە عيمارات ەدى.
ونى بۇزۋ جوسپارى 2014-جىلى قۇرىلعان بولاتىن. سول كەزدە مونشانى بۇزۋ قونايەۆ داڭعىلىن ۇزارتۋ ءۇشىن قاجەت ەكەنى ايتىلعان. ساۋلەتكەرلەر وسى ورتالىق كوشەنى اقتاس شاعىن اۋدانىنا دەيىن ۇزارتپاق.
اكىمدىك باسپا ءسوز قىزمەتىنىڭ مالىمدەۋىنشە، ول ءۇشىن ەسكى قالا اۋدانىنداعى 73 تۇرعىن ءۇيدى بۇزۋعا تۋرا كەلەدى. قازىرگە دەيىن سونىڭ 33 ءىنىڭ يەسىنە وتەماقى تولەنگەن.