09:11, 16 - مامىر 2018 | GMT +5
قازاقستاندا العاش رەت رەگبيدەن ازيا چەمپيوناتى وتەدى
استانا. قازاقپارات - بۇگىن الماتىدا قازاقستان رەسپۋبليكاسىنىڭ ءبىرىنشى پرەزيدەنتى سپورتتىق كەشەنىندە، تاۋەلسىز ەلىمىزدىڭ تاريحىندا العاش رەت رەگبي-15 تەن ەرلەر كوماندالارى اراسىندا ازيا چەمپيوناتى باستالادى، دەپ حابارلايدى قازاقپارات اقپاراتتىق جانە سپورتتىق ح ا ب- كە سىلتەمە جاساپ.

سپورت باسەكەسى مامىردىڭ 16 ى مەن 19 ى ارالىعىندا الماتىدا وتەدى جانە وندا سارى قۇرلىقتىڭ ەڭ ۇزدىك كوماندالارى ءوزارا مىقتىنى انىقتايدى.
شارانىڭ اشىلۋ سالتاناتى مامىردىڭ 16 ى ساعات14:30 عا جوسپارلانعان. بايراقتى باسەكەگە قازاقستان، موڭعوليا، پاكىستان، قىرعىزستان ەلدەرى قاتىسادى.
ايتا كەتەيىك، 2016-جىلى رەگبي وليمپيادالىق سپورت تۇرلەرىنىڭ تىزىمىنە ەندى. قازاقستان ۇلتتىق قۇراماسى ازيا ەلدەرىنىڭ اراسىندا تۇراقتى جەڭىمپاز، ال الەم بويىنشا ۇزدىك 30 ەلدەر قاتارىنا كىرەدى. ازيا چەمپيوناتى رەگبيدىڭ ەلىمىزدە بۇقارالىق سپورت ءتۇرى رەتىندە دامىپ، بۇل تارتىستى ويىن جاستار اراسىندا كەڭىنەن تانىلۋىنا ىقپال ەتپەك.