13:30, 15 - مامىر 2018 | GMT +5
قازاقستاندا ەت ءوندىرىسى ارتتى
استانا. قازاقپارات - قازاقستاندا 2018-جىلدىڭ قاڭتار-ساۋىرىندە ەت ءوندىرىسىنىڭ كولەمى 86380 توننا بولعان، بۇل 2017-جىلدىڭ وسى كەزەڭىمەن سالىستىرعاندا 11,9 پروتسەنتكە ارتىق، دەپ حابارلايدى قازاقپارات ق ر ۇ ە م ستاتيستيكا كوميتەتىنە سىلتەمە جاساپ.

ەسەپتىك كەزەڭدە مىنالار ءوندىرىلدى: 177202 توننا ءسۇت (بىلتىرعىدان 15,6 پروتسەنتكە ارتىق)، ۇن 1531 856 توننا (24,1+ پروتسەنت)، نان - 253018 توننا (6,9+ پروتسەنت)، جارما - 28126 توننا (28,5 پروتسەنت).
قازاقستاندا 2018 -جىلدىڭ قاڭتار-ساۋىرىندە اۋىل، ورمان جانە بالىق شارۋاشىلىقتارىنىڭ جالپى ءونىمى 559008,8 ميلليون تەڭگەنى قۇراعان. بۇل 2017-جىلدىڭ وسى كەزەڭىندەگى كورسەتكىشتەن 3,8 پروتسەنتكە ارتىق.