ساعىنتايەۆ بىلتىرعى كومىر تاپشىلىعى جايىندا: بارلىعى قولدان جاسالعان

استانا. قازاقپارات - بۇگىن ۇكىمەت وتىرىسىندا ق ر پرەمەر-ءمينيسترى باقىتجان ساعىنتايەۆ ورتالىق جانە جەرگىلىكتى اتقارۋشى ورگاندارعا الداعى ۋاقىتتا كومىر تاپشىلىعىن بولدىرماۋدى قاتاڭ تاپسىردى، دەپ حابارلايدى قازاقپارات ءتىلشىسى.
None
None

«جىلىتۋ كەزەڭى جالپى تۇراقتى ءوتتى. ەندى بارشامىز ورتالىق جانە جەرگىلىكتى اتقارۋشى ورگاندار الداعى كۇزگى، قىسقى كەزەڭگە دايىندىقتى باستاۋىمىز قاجەت. باياندامالاردان كورىپ وتىرمىز، قاجەتتى جۇمىستار باستالعان. دەگەنمەن، ەنەرگەتيكا، ينۆەستيتسيالار جانە دامۋ مينيسترلىكتەرىنە جىلىتۋ كەزەڭىنە دايىندىقتاردى ورىنداۋ بارىسىنا مونيوترينگ جۇرگىزۋدى تاپسىرامىن. اكىمدەر جىلۋمەن، ەنەرگيامەن جابدىقتاۋدىڭ، كوممۋنالدىق سەكتور مەن الەۋمەتتىك سالانىڭ بارلىق نىساندارىنا جوسپارلانعان جوندەۋ جۇمىستارىن قامتاماسىز ەتسىن»، - دەپ اتاپ ءوتتى ۇكىمەت باسشىسى.

سونىمەن قاتار باقىتجان ساعىنتايەۆ مينيسترلەر مەن وبلىس اكىمدەرىنە الداعى ۋاقىتتا كومىر تاپشىلىعىن بولدىرماۋدى قاتاڭ تاپسىردى.

«بىلتىرعى جىلى بولعان كەلەڭسىز جاعدايلاردى قايتالاماۋىمىز قاجەت. ونىڭ بارلىعى قولدان جاسالعان. ءبىزدىڭ باقىلاۋىمىزدىڭ تومەندىگىنەن بولعان جاعداي. قازاقستاندا كومىر وتە مول كولەمدە وندىرىلەدى. تەك وزىمىزگە عانا ەمەس سىرتقا دا شىعارىپ جاتىرمىز. ال بىلتىرعى كەلەڭسىز جاعداي قايتالانباۋى قاجەت»، - دەپ اتاپ ءوتتى باقىتجان ساعىنتايەۆ.

وسى رەتتە ۇكىمەت باسشىسى ءوڭىر اكىمدەرى مەن ق ر ەنەرگەتيكا ءمينيسترى قانات بوزىمبايەۆقا كومىر ماسەلەسىنە تۇراقتى مونيتورينگ جۇرگىزىپ وتىرۋدى تاپسىردى.

«قانات الدابەرگەن ۇلى، بۇل ماسەلەگە باس نازار اۋدارىپ، تۇراقتى مونيتورينگ جۇرگىزۋدى تاپسىرامىن. تيمۋر مۇرات ۇلى (ق ر ۇلتتىق ەكونوميكا ءمينيسترى) كومىر باعاسىنىڭ نەگىزسىز ءوسۋى مەن الىپ-ساتارلىق ەلەمەنتتەرگە جول بەرمەۋدى مونوپولياعا قارسى شارالار ارقىلى باقىلاۋدى تاپسىرامىن. بۇل جۇمىستى اسقار ۇزاقباي ۇلى (ق ر پرەمەر- ءمينيسترىنىڭ ءبىرىنشى ورىنباسارى) باقىلاۋعا الىڭىز»، - دەدى ۇكىمەت باسشىسى.

سوڭعى جاڭالىقتار