سيريا قارۋلى وپپوزيتسياسىنىڭ وكىلدەرى ەلورداداعى كەلىسسوزدەرگە قاتىسۋعا كەلدى
بۇل تۋرالى بۇگىن ۇكىمەت وتىرىسى الدىندا ق ر سىرتقى ىستەر مينيسترلىگىنىڭ باسپا ءسوز حاتشىسى ءانۋار جايناقوۆ ايتتى، دەپ حابارلايدى قازاقپارات ءتىلشىسى.
«سيريا قارۋلى وپپوزيتسياسىنىڭ وكىلدەرى بۇگىن تاڭەرتەڭ استاناعا كەلىپ جەتتى. بارلىعى 24 ادامنان تۇراتىن دەلەگاتسياعا احماد توما باسشىلىق جاسايدى»، - دەدى ول ب ا ق وكىلدەرىنە.
سونىمەن قاتار ءانۋار جايناقوۆ بۇگىنگى كەزدەسۋدىڭ جالپى وتىرىسى شامامەن ساعات 15:00 گە جوسپارلانىپ وتىرعاندىعىن ايتتى.
ايتا كەتەيىك، كەشە ەلوردادا بارلىق كەپىلگەر ەلدەردىڭ دەلەگاتسيالارىنىڭ قاتىسۋىمەن سيريا بويىنشا استانا پروتسەسى اياسىندا ەكىجاقتى جانە ءۇشجاقتى كەلىسسوزدەر باستالعان بولاتىن.
كەلىسسوزدەردىڭ وسى راۋندىنا ا ق ش دەلەگاتسياسى قاتىسۋدان قالىس قالعان. قازاقستاننىڭ استاناسىنا باشار دجاافاريدىڭ باسشىلىعىنداعى ۇكىمەت دەلەگاتسياسى مەن ب ۇ ۇ دەلەگاتسياسى كەلدى. سيريا بويىنشا ب ۇ ۇ باس حاتشىسىنىڭ ارنايى ۋاكىلى ستاففان دە ميستۋرا دا كەشە جەتتى.
اۆتور: مارلان جيەمباي
