10:53, 15 - مامىر 2018 | GMT +5
لوندون وليمپياداسىنىڭ جۇلدەگەرى اقجۇرەك تاڭاتاروۆ قىزمەتكە تاعايىندالدى
استانا. قازاقپارات - ەركىن كۇرەستەن لوندون وليمپياداسىنىڭ قولا جۇلدەگەرى اقجۇرەك تاڭاتاروۆ قىزمەتكە تاعايىندالدى، دەپ حابارلايدى قازاقپارات ءتىلشىسى.

الەم چەمپيوناتىنىڭ قولا جۇلدەگەرى، ازيا چەمپيونى اقجۇرەك تاڭاتاروۆ جامبىل وبلىسىنا قاراستى «وبلىستىق مامانداندىرىلعان بالالار-جاس وسپىرىمدەر سپورت مەكتەبىنىڭ» ديرەكتورى قىزمەتىنە تاعايىندالدى.
بۇل تۋرالى اقجۇرەكتىڭ تۋىسقان اعاسى، بەلگىلى ءانشى، ەسترادا جۇلدىزى دوسىمجان تاڭاتاروۆ ءوزىنىڭ ينستاگرامداعى رەسمي پاراقشاسىندا مالىمدەدى.
«اقجۇرەك ءىنىم جامبىل وبلىسىنىڭ اكىمى اسقار مىرزاحمەتوۆ اعامىزدىڭ جانە وبلىستىق سپورت سالاسىنىڭ ماماندارىنىڭ قولداۋىمەن «وبلىستىق مامانداندىرىلعان بالالار پەن جاس وسپىرىمدەر سپورت مەكتەبىنىڭ» ديرەكتورى بولىپ تاعايىندالدى. ءىنىمنىڭ ىسىنە بەرەكە بەرىپ جاس تالانتتاردىڭ تانىلۋىنا ۇلەس قوساتىن باسشى بولسىن»، - دەپ جازدى دوسىمجان تاڭاتاروۆ.
اۆتور: كۇنسۇلتان وتارباي