10:21, 15 - مامىر 2018 | GMT +5
استراحاندىق دومبىراشى رەسەيدەگى حالىقارالىق كونكۋرستا جەڭىمپاز اتاندى
استانا. قازاقپارات - استراحاندىق دومبىراشى نۇرسۇلتان سارىيەۆ چەبوكساراداعى «ۇلتتىق يگىلىك - 2018» IX حالىقارالىق كونكۋرسىندا لاۋرەات اتاندى، دەپ حابارلايدى قازاقپارات ر ف- تەگى ق ر ەلشىلىگىنىڭ سايتىنا سىلتەمە جاساپ.
جارىسقا رەسەيدىڭ 20 وڭىرىنەن، سونداي-اق گەرمانيا، تايلاند، قازاقستاننان ەكى مىڭنان استام ادام قاتىستى.
استراحاندىق دومبىرامەن قۇرمانعازىنىڭ كۇيىن شەرتىپ، «اسپاپتىق ونەر» نوميناتسياسىنا قاتىستى. ول ءوز نوميناتسياسىنان 40 مۋزىكانتتى باسىپ وزدى.
گنەسيندەر اتىنداعى رەسەي مۋزىكا اكادەمياسى ىشەكتى حالىق اسپاپتارى كافەدراسىنىڭ دوتسەنتى يننا گۋنينا باستاعان قازىلار القاسى استراحاندىق مۋزىكانتتىڭ ونەرىنە جوعارى باعا بەردى. وعان كۋبوك، جەڭىمپاز ديپلومى جانە I دارەجەدەگى لاۋرەات ديپلومى تابىس ەتىلدى.
نۇرسۇلتان سارىيەۆ استراحانداعى كوزى ناشار كورەتىن مۇگەدەكتەردى الەۋمەتتىك-مادەني ساۋىقتىرۋ ورتالىعى- كىتاپحاناسىنىڭ كوركەمونەرپازدار مۇشەسى.
