اۋلاسىنا مىڭنان استام سنارياد جيناعان ەر ادام جارىلىستان قازا تاپتى

وقىس وقيعادان سوڭ جەكە ءۇيدىڭ اۋماعىنان ماماندار ەكىنشى دۇنيەجۇزىلىك سوعىسى كەزىندەگى 1272 سناريادتى تاپتى، دەپ حابارلايدى تاسس اگەنتتىگى ب ا ق- پەن بايلانىس بويىنشا اعا كومەكشى ەلەنا كوزىريەۆاعا سىلتەمە جاساپ.
ونىڭ سوزىنە قاراعاندا، بەلگورود وبلىسىندا مۇنداي قايعىلى وقيعالار 10 جىلدان بەرى بولماعان.
«تەرگەۋشىلەر جۇرتتان ەر ادامنىڭ وسىنشاما سناريادتى قايدان العاندىعى جايلى سۇراستىرۋدا».
ت ج م وڭىرلىك باسقارماسىنىڭ حابارلاۋىنشا، بارلىق 1272 سنارياد سىرتقا شىعارىلىپ، ارنايى پوليگوندا جويىلعان.
پروحوروۆكا ستانساسى مەن كورشىلەس الەكساندروۆسكوە ەلدى مەكەنى اۋماعىندا 1943 -جىلعى 12 -شىلدەدە تانكىلەر شايقاسى بولعان. وعان ەكى جاقتان 1,2 مىڭ تانكى مەن وزدىگىنەن جۇرەتىن قارۋ قاتىسقان.
2017 -جىلى بۇل وڭىردە جارۋشى تەحنيكتەر ەكى مىڭنان استام سوعىس كەزىنەن قالعان جارىلعىش زاتتاردى، ونىڭ ىشىندە 10 اۆيابومبانى زالاسىزداندىردى.