الماتىدا لاي كوشكىنى ءجۇرىپ، جول جابىلىپ قالدى
بۇل تۋرالى قازاقپارات ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆقا سىلتەمە جاساپ حابارلايدى.
«الماتى قالاسى ناۋرىزباي اۋدانىنا قاراستى اقساي شاتقالىن تەكسەرۋ بارىسىندا قىزىلجار وزەنىنە (اقساي وزەنىنىڭ سالاسى) ۇزدىكسىز جاۋعان جاڭبىردىڭ سالدارىنان 800 تەكشە مەتر لاي كوشكىننىڭ جۇرگەنى انىقتالدى. لاي كوشكىنى پيونەر لاگەرىنە اپاراتىن جەرگىلىكتى ماڭىزى بار اۆتوموبيل جولىن جاۋىپ قالىپ، اسفالتتىڭ ۇستىمەن اعىپ جاتىر. زارداپ شەككەندەر مەن قازا تاپقاندار جوق. وقيعا ورنىندا «قازسەلدەن قورعاۋ» مەكەمەسىنىڭ جەكە قۇرامى مەن تەحنيكاسى كوشكىن سالدارىن جويۋ جۇمىستارىن جۇرگىزۋدە»، - دەلىنگەن تاراتىلعان اقپاراتتا.
سونىمەن قاتار ۆەدومستۆو مالىمەتىنشە، تالعار اۋدانىندا ۇزدىك جاۋىن سالدارىنان «تۇيە» تاۋى بوكتەرىنەن 60 تەكشە مەتر لاي كوشكىنى تومەن سىرعىعان.
«سونىڭ سالدارىنان «تالعار- سپۋتنيك جازعى لاگەرى» جەرگىلىكتى ماڭىزى بار اۆتوموبيل جولى جارتىلاي جابىلىپ قالدى. وقيعا ورنىندا كەزەكشىلىك ۇيىمداستىرىلعان. جەرگىلىكتى اتقارۋشى ورگاندارعا كوشكىن سالدارىن جويۋ جانە اۆتوموبيل جولىن ۋاقىتشا جابۋ تۋرالى تاپسىرما بەرىلدى. كوشكىن سالدارى جاڭبىر تىيىلعاننان كەيىن جويىلاتىن بولادى»، - دەپ اتاپ ءوتتى كوميتەتتەن.
اۆتور: مارلان جيەمباي
