14:36, 14 - مامىر 2018 | GMT +5
جىل باسىنان بەرى قازاقستاندا باسپانا قىمباتتادى
استانا. قازاقپارات - قازاقستاندا 2018-جىلعى ساۋىردە جاڭا باسپانانىڭ 1- شارشى مەترىنىڭ باعاسى 263068 تەڭگەنى قۇراپ، 2017-جىلعى جەلتوقسانمەن سالىستىرعاندا % 1,1 ءوستى، دەپ حابارلايدى قازاقپارات ءتىلشىسى ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنە سىلتەمە جاساپ.

جايلاستىرىلعان باسپانانىڭ 1 شارشى مەترىنىڭ ورتاشا باعاسى ءساۋىر ايىندا 186154 تەڭگە (الدىڭعى ايمەن سالىستىرعاندا %0,2، بىلتىرعى جەلتوقسانمەن سالىستىرعاندا %0,3 وسكەن)، ال اباتتاندىرىلماعان ءۇيدىڭ 1 شارشى مەترى ورتا ەسەپپەن 115428 تەڭگە (الدىڭعى ايمەن سالىستىرعاندا %0,4، بىلتىرعى جەلتوقسانمەن سالىستىرعاندا %0,8 وسكەن) بولدى.
وتكەن ايدا قازاقستاندا جايلاستىرىلعان ءۇيدىڭ 1 شارشى مەترىن جالعا الۋدىڭ ورتاشا باعاسى 1341 تەڭگەنى (الدىڭعى ايمەن سالىستىرعاندا %0,2، بىلتىرعى جەلتوقسانمەن سالىستىرعاندا %0,9 وسكەن) قۇرادى.