قازاقستاننىڭ وپتيكالىق قۇرىلعىلارى ەكسپورتقا شىعارىلىپ جاتىر - بەيبىت اتامقۇلوۆ

استانا. قازاقپارات - «قازاقستان اسەلسان ينجينيرينگ» كومپانياسى وتاندىق وپتيكالىق قۇرىلعىلاردى ەكسپورتقا شىعارا باستادى.
None
None

بۇل تۋرالى پارلامەنت ماجىلىسىندەگى ۇكىمەت ساعاتىندا قورعانىس جانە اەروعارىش ونەركاسىبى ءمينيسترى بەيبىت اتامقۇلوۆ ءمالىم ەتتى، دەپ حابارلايدى قازاقپارات.

«تەحنولوگيا ترانسفەرتىن قامتاماسىز ەتۋمەن ءبىرقاتار بىرلەسكەن وندىرىستەر تابىستى جۇمىس ىستەۋدە. وسى ورايدا ەلەكتروندى-وپتيكالىق قۇرىلعىلاردى شىعارىپ جاتقان «قازاقستان اسەلسان ينجينيرينگ» (ك ا ە) ج ش س ونىمدەرى سۇرانىسقا يە. 2014-جىلى ىسكە قوسىلعان كاسىپورىن 25 ميلليارد تەڭگەدەن استام سوماعا 12 مىڭنان استام ءونىمدى ەلىمىزدىڭ ءتۇرلى ۆەدومستۆولارىنا جەتكىزدى. بۇل تۇرعىدا كۇش قۇرىلىمدار بولىمشەرى تۇنگى كورۋ قۇرىلعىلارىمەن جانە باسقا ونىمدەرىمەن تولىقتاي قامتاماسىز ەتىلدى»، - دەدى مينيستر.

ونىڭ سوزىنە قاراعاندا، بىلتىر كومپانيا ونىمدەرىن شەتەلگە ەكسپورتقا شىعارا باستادى. 2017-جىلدىڭ ەكسپورتى ەكى ميلليارد تەڭگەگە جەتتى.

ەلەكتروندى-وپتيكالىق قۇرىلعىلار شىعاراتىن بۇل ءوندىرىستىڭ ونىمدەرى بۇگىندە جوعارى سۇرانىسقا يە. وندا قازىرگى كەزدە كوزدەۋىشتەر، مونوكۋليارلار، تۇندە كورۋ بينوكۋليارلارى؛ جىلۋبەينە كوزدەۋىشتەرى؛ بارلاۋ جانە راديوبايلانىس قۇرالدارى؛ جەر بەتىندەگى نىسانالارعا جارىق تۇسىرۋگە ارنالعان ىقشام لازەرلى كەشەندەرى؛ قاشىقتىقتان باسقارىلاتىن اسكەري مودۋلدەرى؛ ينفراقىزىل لينزالار جانە ەلەكتروندى پلاتالار وندىرىلەدى.

بۇدان بولەك اتامقۇلوۆ «قازاقستان پاراماۋنت ينجينيرينگ» كومپانياسىنىڭ جاۋىنگەرلىك دوڭگەلەكتى ماشينالارىن شىعارۋ جۇمىستارىنا توقتالدى.

ايتا كەتەيىك، بۇل زاۋىت ورتالىق ازياداعى زاماناۋي بروندى دوڭگەلەكتى ماشينا شىعاراتىن ەڭ ءىرى كاسىپورىن. كاسىپورىن بروندى تەحنيكانىڭ تومەندەگى تۇرلەرىن شىعارادى: 4x4 دوڭگەلەكتى فورمۋلاسىنداعى «ارلان» ب د م؛ - 4x4 دوڭگەلەكتى فورمۋلاسىنداعى «الان» ب د م؛ - 6x6, سونداي- اق 8x8 دوڭگەلەكتى فورمۋلاسىنداعى «بارىس» ب ت ر- لەر.

8x8 دوڭگەلەكتى فورمۋلاسىنداعى «بارىس» ب ت ر- لەرى 2016-جىلعى KADEX- تەن كەيىن اۋقىمدى سىناقپەن قامتىلدى. قورعانىس مينيسترلىگىنىڭ ەسكەرتپەلەرىنەن كەيىن ماشينا جەتىلدىرىلىپ، بيىل اسكەري تەحنيكا قىس مەزگىلىندەگى ەكسترەمالدى تابيعي-كليماتتىق سىناقتاردان ءساتتى ءوتتى. الداعى ۋاقىتتا ەندى جازعى سىناقتار ۇيىمداستىرىلادى.

سوڭعى جاڭالىقتار