تۇركيا اسكەرى «قاۋىپسىز» تەلەفوندارمەن قامتىلادى

انكارا. قازاقپارات - تۇركيا كومپانيالارى اسكەري وپەراتسيالار كەزىندە پايدالانۋعا ارنالعان «قاۋىپسىز» تەلەفوندار شىعارۋ جوباسىنا كۇش سالىپ جاتىر. بۇل جايلى انادولى اگەنتتىگى حابارلايدى.
None
None

تۇركيا ارمياسىنا جۋىردا «قاۋىپسىز» تەلەفوندار جەتكىزىلەدى. الدىمەن ولاردى لاڭكەستىككە قارسى وپەراتسيالارعا قاتىسۋشىلار نەمەسە اسا ماڭىزدى تاپسىرمالاردى ورىندايتىن اسكەري قىزمەتشىلەر پايدالانادى.

تۇركيا قارۋلى كۇشتەرى قىزمەتكەرلەرى «قاۋىپسىز» تەلەفوندار ارقىلى اۋديو جانە ۆيدەوحابارلامالار جىبەرىپ، sms-توپتار قۇرۋ، وزدەرىنىڭ كوورديناتتارى تۋرالى دەرەكتەر جىبەرۋ مۇمكىندىگىنە يە.

انادولى اگەنتتىگىنىڭ حابارلاۋىنشا، «قاۋىپسىز» تەلەفوندار شىعارۋ جوباسى تۇركيا كومپانيالارىنىڭ كۇش سالۋىمەن ىسكە اسىرىلىپ جاتىر.

بۇدان تىس، سەريالىق «قاۋىپسىز» سپۋتنيكتىك تەلەفونداردى شىعارۋ دا جوسپاردا بار، ول دا جاڭا جوبانىڭ قۇرامداس بولىگى بولىپ تابىلادى.

سوڭعى جاڭالىقتار