قاراعاندىلىق دومبىراشى قىز پراگاداعى تالانتتار جوباسىنىڭ جەڭىمپازى اتاندى

قاراعاندى. قازاقپارات - قاراعاندىنىڭ مۋزىكالىق مەكەمەسىندە ءبىلىم الۋشىلار ريم، كانن، پراگادا وتكەن «تالانتتار وتشاشۋى» جوباسى اياسىندا وتكەن حالىقارالىق بايقاۋلاردا جۇلدەلى ورىندارعا ىلىكتى، دەپ حابارلايدى قازاقپارات.

مۋزىكالىق بايقاۋلارعا 24 قاراعاندىلىق وقۋشى قاتىسقان. ولاردىڭ بارلىعى كوپتەگەن رەسپۋبليكالىق جانە حالىقارالىق بايقاۋلاردىڭ جەڭىمپازدارى. ساپاردى قاراعاندى قالاسىنىڭ ءبىلىم ءبولىمى قالا اكىمدىگىنىڭ قولداۋىمەن ۇيىمداستىردى.

«دومبىراشى قىزىمىز زەينەل ۇلجان پراگادا جەڭىمپاز اتاندى. ول بايقاۋدا 1-ورىندى يەلەنىپ، ۇزدىك ۇلتتىق كيىمى ءۇشىن گراموتامەن ماراپاتتالدى. ول باسقا دا جۇلدەگەرلەرمەن بىرگە 2018 -جىلدىڭ قازان ايىندا سانكت- پەتەربۋرگتە وتەتىن «تالانتتار وتشاشۋى» حالىقارالىق جوباسىنىڭ VIII سۋپەرفينالىنا قاتىسادى»، - دەيدى №1-ونەر مەكتەبىنىڭ ديرەكتور شكولى اناستاسيا بەرميچيەۆا.

ۇلجان №1-ونەر مەكتەبىندە 6 جاسىنان بەرى ءبىلىم الىپ كەلەدى. ول ۆوكال بولىمشەسى مەن قازاقتىڭ ۇلتتىق اسپاپتارى بويىنشا دومبىرا بولىمشەسىن بىتىرگەن. قازىر ول سالالىق سىنىپتا وقيدى، ءارى كوللەدجگە تۇسۋگە ازىرلەنۋدە. سونداي- اق ۇلجان - كوپتەگەن بايقاۋلاردىڭ جۇلدەگەرى. مىسالى، «كۇنشۋاق» (الماتى) حالىقارالىق بايقاۋىنىڭ گران- پري يەگەرى، «جۇلدىزدى جوبا» (قاراعاندى) حالىقارالىق بايقاۋىندا 1-ورىن، «اق كوگەرشىن» (استانا) حالىقارالىق بايقاۋىندا 1-ورىن، «رۋح» (قاراعاندى) حالىقارالىق بايقاۋىندا 1-ورىن العان.

سونىمەن قاتار، ونەرپاز جاس قاراعاندىلىقتارعا ۆارشاۆا (پولشا)، ۆەنا (اۋستريا)، پراگا (چەحيا) قالالارىنىڭ تاريحي جەرلەرىنە ەكسكۋرسيالىق باعدارلاما ۇيىمداستىرىلدى.

اۆتور: گۇلزات ساحوۆا