07:08, 14 - مامىر 2018 | GMT +5
قىتاي العاشقى ۇشاق تاسىعىش كەمەسىن سىنادى
استانا. قازاقپارات - قىتاي ءوزىنىڭ جاساپ شىعارعان العاشقى ۇشاق تاسىعىش كەمەسىن تەكسەرۋدەن وتكىزۋدى باستادى، دەپ حابارلايدى قازاقپارات حابار 24 تەلەارناسىنا سىلتەمە جاساپ.

«تۋرە 001ا» دەپ اتالاتىن الىپ كەمەنى قۇراستىرۋ 2013 - جىلى باستالىپ، وتكەن جىلى اياقتالعان. ۇزىندىعى - 315, ال ەنى 75 مەتر بولاتىن ۇشاق تاسىعىشتىڭ سالماعى - 70 مىڭ توننا.
ونىڭ پالۋباسىنا 36 اسكەري شابۋىلداۋشى ۇشاق سيادى.
ايتا كەتەتىن جايت، قىتاي 2005 - جىلى ۋكراينادان ۆارياگ كەمەسىن ساتىپ الىپ، ونى جوندەپ، « لياونين» دەپ اتالاتىن تۇڭعىش ۇشاق تاسىعىش كەمەسىن جاساپ شىعارعان بولاتىن. ونى تەكسەرۋ 2011 - جىلى ءساتتى ءوتىپ، كەلەسى جىلى اسكەري تەڭىز كۇشتەرىنىڭ پايدالانۋىنا بەرىلگەن. سوندىقتان «تۋرە 001ا» اسكەري- تەڭىز كۇشتەرىنىڭ ەكىنشى ۇشاق تاسىعىش كەمەسى بولعالى تۇر.