ا ق ش مەملەكەتتىك حاتشىسى پحەنيانعا جاساعان ساپارىن قورىتىندىلادى

استانا. قازاقپارات -  ەگەر پحەنيان يادرولىق قارۋدان تولىقتاي باس تارتسا، ۆاشينگتون بۇل مەملەكەتكە ەكونوميكالىق كومەك كورسەتۋگە دايىن.
None
None

 بۇل تۋرالى ا ق ش مەملەكەتتىك حاتشىسى مايك پومپەو وڭتۇستىك كورەيا سىرتقى ىستەر ءمينيسترى كان گين حۆامەن كەزدەسۋدەن سوڭ وتكەن باسپا ءسوز ءماسليحاتىندا مالىمدەدى.

ءسويتىپ پومپەو ءوزىنىڭ جاقىندا سولتۇستىك كورەياعا جاساعان جۇمىس ساپارىنىڭ جاي- جاپسارىن جاريا ەتتى. وندا پرەزيدەنت ترامپ پەن كيم چەن ىننىڭ جۇزدەسۋىن پىسىقتاپ، كورەي تۇبەگىن يادرولىق قارۋدان ازات ايماققا اينالدىرۋ ماسەلەسىن تالقىلاعان.

 ەسكە سالا كەتەيىك، بىرەر كۇن بۇرىن دونالد ترامپ پەن كيم چەن ىننىڭ كەزدەسۋى 12 - ماۋسىمدا سينگاپۋردا وتەتىنى بەلگىلى بولدى. اق ءۇي باسشىسى الەم كوپتەن كۇتكەن باسقوسۋعا ۇلكەن ءۇمىت ارتاتىنىن ايتتى.

 مايك پومپەو، ا ق ش مەملەكەتتىك حاتشىسى:

- ەگەر كيم چەن ىن دۇرىس تاڭداۋ جاساسا، سولتۇستىك كورەيانى بەيبىتشىلىك پەن وركەندەۋ كۇتىپ تۇر. ا ق ش- تىڭ سولتۇستىك كورەياعا كورسەتەتىن كومەگى دە قوماقتى بولادى. پحەنيان يادرولىق قارۋدان باس تارتسا، قۇراما شتاتتار بۇل مەملەكەتتىڭ وڭتۇستىك كورەيا سياقتى دامۋى ءۇشىن بار كۇشىن سالادى.

www.24.kz

سوڭعى جاڭالىقتار