قازاقستانداعى قىتاي ەلشىسى: ەلىمە قايتامىن، قازاقستانداعى ءوز ميسسيامدى اياقتادىم

دەپ حابارلايدى قازاقپارات ءتىلشىسى.
«شاڭحاي ىنتىماقتاستىق ۇيىمى ءسامميتى قارساڭىندا ش ى ۇ- عا مۇشە ەلدەردىڭ ديپلوماتيالىق وكىلدىكتەرى اراسىندا فۋتبولدان تۋرنير وتكىزەيىك دەپ شەشىم قابىلدادىق. مەنىڭشە، مۇنداي شارا ش ى ۇ- عا مۇشە ەلدەردىڭ اراسىنداعى دوستىق پەن ءوزارا تۇسىنىستىكتى تەرەڭدەتە تۇسەتىن بولادى. بۇل وتە جاقسى ءارى قىزىقتى شارا دەپ بىلەمىن»، - دەدى تۋرنيردىڭ اشىلۋىنا ءسوز سويلەگەن ق ح ر- دىڭ قازاقستانداعى توتەنشە جانە وكىلەتتى ەلشىسى جاڭ حانحۋەي.
وسى رەتتە ەلشى اعىمداعى جىلدىڭ ماۋسىم ايىندا ش ى ۇ سامميتى قىتايدىڭ چيڭداۋ قالاسىندا وتەتىندىگىن ەسكە سالدى.
«ءبىز ۇيىمعا مۇشە ەلدەردىڭ بارلىق پرەزيدەنتتەرىن كۇتەمىز جانە بۇل سامميتتىڭ ش ى ۇ- عا مۇشە قولداۋىمەن بارىنشا تابىستى وتەتىندىگىنە سەنىم ارتامىز. ايتا كەتەرلىگى، بۇل وسى جەردە ۇيىمداستىراتىن سوڭعى شارا بولماق. سوندىقتان وسى مۇمكىندىكتى پايدالانىپ وزدەرىڭىزبەن قوشتاسپاقپىن. قازاقستانداعى ءوز ميسسيامدى اياقتاپ، 17- ءسى كۇنى ەلىمە ۇشىپ كەتەمىن»، - دەدى ول ديپلوماتيالىق وكىلدىك باسشىلارىنا قاراتا.
ال رەسەي فەدەراتسياسىنىڭ توتەنشە جانە وكىلەتتى ەلشىسى الەكسەي بوروداۆكين تۋرنيرگە قاتىسۋشىلارعا تابىس تىلەدى.
«اعىمداعى جىلى رەسەيدە فۋتبولدان الەم چەمپيوناتى وتەدى. ءبىز بارىنشا جاقسى دايىندالۋعا تىرىستىق. كوماندامىزدى جاقسىلاپ دايىنداپ قانا قويماي، قاتىسشى ەلدەردىڭ جانكۇيەرلەرى مەن سپورتشىلارى ءۇشىن دە قولايلى ينفراقۇرىلىم جاساۋعا تىرىستىق. بارشاڭىزدى فۋتبولدان الەم چەمپيوناتى وتەتىن كەزدە رەسەيگە كەلۋگە شاقىرامىن»، - دەدى ول.
ايتا كەتسەك، تۋرنيرگە قازاقستان، قىتاي، قىرعىزستان، وزبەكستان، پاكىستان، رەسەي، تاجىكستان كوماندالارى قاتىسۋدا.
اۆتور: مارلان جيەمباي