12:16, 12 - مامىر 2018 | GMT +5
ومبىدا قازاق مادەنيەتى كۇنى وتەدى
استانا. قازاقپارات - رەسەيدىڭ ومبى قالاسىندا قازاق مادەنيەتىنىڭ كۇنى وتەدى، دەپ حابارلايدى قازاقپارات قازاقستاننىڭ رەسەيدەگى ەلشىلىگىنىڭ سايتىنا سىلتەمە جاساپ.

13- مامىردا وتەتىن شارا «توي دۋمان» 8- ايماقتىق مادەنيەت جانە سپورت مەرەكەسى دەپ اتالادى. بيىل ءىس-شارا اتاقتى قولباسشى، باتىر، اقىن قوجابەرگەن جىراۋدىڭ 355 جىلدىعىنا، قازاق سال-سەرىلەرىنىڭ رۋحاني ۇستازى، اقىن، كومپوزيتور سەگىز سەرىنىڭ 200 جىلدىعى مەن ۇلى ابايدىڭ تالانتتى ءىزباسارى، جاڭا قازاق ادەبيەتىنىڭ نەگىزىن سالۋشىلاردىڭ ءبىرى، اقىن، جازۋشى، پۋبليتسيست ماعجان جۇمابايەۆتىڭ 125 جىلدىعىنا ارنالادى.
مادەني شارانى رەسەيدىڭ بايىرعى مادەني ورتالىعى - قازاق مادەنيەتىنىڭ «ءمولدىر» ءسىبىر ورتالىعى ۇيىمداستىرادى. «توي دۋمان» ومبىداعى «اگرو-ومسك» وقۋ-كورمە كەشەنى اۋماعىندا ۇيىمداستىرىلادى.
بيىلعى توي-دۋمانعا 10 مىڭعا جۋىق قانداس قاتىسادى دەپ كۇتىلۋدە.