ۇلتتىق ارنادا «بەيمالىم الاش» اتتى دەرەكتى فيلمدەر توپتاماسى ەفيرگە شىعادى

بۇل تۋرالى ءوزىنىڭ فەيسبۋك پاراقشاسىندا «1- ستۋديا» قوعامدىق-ساياسي توك-شوۋىنىڭ جۇرگىزۋشىسى، بەلگىلى تەلەجۋرناليست بەرىك ءۋالي جازدى، دەپ حابارلايدى قازاقپارات ءتىلشىسى.
«ۇلتتىق ارنانىڭ تاعى ءبىر جاڭا جوباسى «بەيمالىم الاش» دەرەكتى فيلمدەر توپتاماسى جۋىردا ەفيرگە شىقپاق. ءدال قازىر وسى جوبانىڭ العاشقى بولىمدەرىن تالقىلادىق. فيلمدە الاش ارىستارىنىڭ بۇرىن كوپ زەرتتەلە قويماعان تۇلعالارى مەن سول كەزدەگى قازاق دالاسىنىڭ سەگىز قيىر، ءتورت تارابىنا جاسالعان بەيمالىم ساپارلارى قامتىلعان. تەلەارنا باسشىسى (ەرلان قارين - اۆت.) ەرلەدى. ول باستى ارناعا كەلگەلى، الاشتىڭ رۋحى كوتەرىلىپ، الاپاسى اسپانداپ تۇر. «رۋحاني جاڭعىرۋ» دەگەن شىن مانىندە وسىلاي بولماق»، - دەپ جازدى بەرىك ءۋالي.
ايتا كەتسەك، «Qazaqstan» ۇلتتىق تەلەارناسىنىڭ باستاماسىمەن بۇدان بۇرىن كورەرمەنگە الاش قايراتكەرلەرىنىڭ تاعدىرىن ارقاۋ ەتكەن «تار زامان» تەلەحيكاياسى جول تارتقان ەدى. ونىڭ كەيىپكەرلەرى - ءبىر عاسىر بۇرىن ازاتتىق ءۇشىن كۇرەسكەن الاشوردا قوزعالىسىنىڭ كوسەمى مەن مۇشەلەرى. بۇل سەريالدا جالپى 37 تاريحي كەيىپكەر بەينەلەنگەن.