الماتىدا توعىز جاڭا فونتان سالىنادى

جاڭا فونتاندار اباي، نازاربايەۆ، ابىلاي حان داڭعىلدارى مەن گوگول، جىبەك جولى، مامەتوۆا جانە رايىمبەك كوشەلەرىنىڭ اراسىنا سالىناتىن بولدى.
باسسەين ىدىسى سياقتى ءداسۇرلى فونتاندارمەن قاتار «قۇرعاق سۋبۇرقاقتار» دا ىسكە قوسىلۋدا، مۇندا اينالمالى سۋ جۇيەسى، سۋدىڭ بيىكتىگى ەسكەرىلگەن. ءتۇرلى پروجەكتورلار ارقىلى گالوگەندى جانە جۇزگىش شىراق سىندى جارىق كوزدەرى ورناتىلادى.
ايتا كەتەرلىگى، بۇرىن قايتا جاڭارعان پانفيلوۆ، جىبەك جولى، گوگول، قابانباي باتىر، بايسەيىتوۆا، تولەبايەۆ كوشەلەرى مەن «استانا» الاڭىمەن قوسا بيىلعى جىلى مەگاپوليستىڭ ءبىرقاتار داڭعىلدارى دا جاڭارادى.
ورتالىقتاندىرۋ قاعيداسى بويىنشا قالانىڭ بارلىق اۋداندارىندا اباتتاندىرۋ جۇمىستارى جۇرۋدە. ەگەر وتكەن جىلى 455 اۋلا جاڭارسا، 2018 -جىلى قوسىمشا 585 اۋلا مودەرنيزاتسيالانادى.
جالپى، سوڭعى جىلدارى مەگاپوليستە 180 ك م جول جانە 700 ك م ينجەنەرلىك جەلىلەر سالىنىپ، جوندەلدى. بيىلعى جىلى ۇزىندىعى 155 ك م بولاتىن 157 كوشە مەن 30 شاقىرىمنان اساتىن جۇرگىنشى تروتۋارلارىن جوندەۋ جوسپارلانعان.
Baq.kz