پاۆلودار وبلىسى ەگىستىك القاپتارىن ەلەكتروندى كارتاعا ەلىمىزدە العاشقى بولىپ ەنگىزدى

پاۆلودار. قازاقپارات - ەرتىس وڭىرىندە ەگىس القاپتارىنىڭ ەلەكتروندى كارتاسىن ازىرلەۋ جۇمىستارى 107 پايىزدى قۇرادى، دەپ حابارلايدى pavlodarnews.kz.
None
None

بۇل تۋرالى وڭىرلىك كوممۋنيكاتسيالار قىزمەتىندە وتكەن باسپا ءسوز جيىنىندا وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى ەسەنتاي ءمۇرسالىموۆ ايتتى.

«ەلىمىز بويىنشا اگرووندىرىس كەشەنىندە سيفرلاندىرۋ جۇمىستارى ءجۇرىپ جاتقانى بەلگىلى. اۋىل شارۋاشىلىعى تاۋار وندىرۋشىلەرىمەن ەگىس القاپتارىنىڭ ەلەكتروندى كارتاسىن ەنگىزۋ جۇمىستارىن ءبىزدىڭ ايماق 20-ساۋىردە العاشقى بولىپ اياقتاعان»، - دەيدى ەسەنتاي ءمۇرسالىموۆ.

سپيكەردىڭ ايتۋىنشا، قازىرگى تاڭدا تىڭايتقىشتار جۇيەسىن سۋبسيديالاندىرۋ اۆتوماتتاندىرىلعان. سوندىقتان ەگىس القاپتارىنىڭ ەلەكتروندى كارتاسى بولماسا، شارۋالار تاپسىرىس بەرگەن كەزدە بازا ءوتىنىشتى ماقۇلداۋدان باس تارتادى.

فەرمەرلەر مۇنداي جاڭاشىلدىقتىڭ ارقاسىندا كومپيۋتەردە نەمەسە سمارتفون ارقىلى جەكە كابينەتكە كىرىپ، ءوز القاپتارىن ينتەرنەت ارقىلى قالاي باقىلاۋ كەرەكتىگىن بىلەدى. ەلەكتروندى كارتادان القاپتىڭ تەمپەراتۋراسىن، ونىمدىلىگىن، قانشا ءونىم جينالعاندىعىن كورۋگە بولادى.

 «مىسالى، 5620 گەكتار جەر ەلەكتروندى كارتاعا ەنگىزۋدىڭ ناتيجەسىندە تولىعىمەن جان-جاعى سىزىلادى. تىڭايتقىشتارعا ءوتىنىش بەرىلەدى. سول جەردە ارنايى نورماتيۆتەر بار. ەگەر دە پارامەترلەر سايكەس كەلمەگەن جاعدايدا ءوتىنىشى كەرى قايتارىلادى.

ياعني، ەلەكتروندى كارتا جۇمىستى جەڭىلدەتە تۇسەدى. شەنەۋنىك پەن ءوتىنىش بەرۋشىنىڭ اراسىندا بايلانىس بولمايدى»، - دەيدى ەسەنتاي ءمۇرسالىموۆ. ايتا كەتەيىك، بيىل وبلىس بويىنشا ەگىس القاپتارىنىڭ جالپى كولەمى 1 ميلليون 421 مىڭ گەكتاردى قۇرايدى. بۇل 2017-جىلمەن سالىستىرعاندا 12,7 پايىزعا ارتىق.

سوڭعى جاڭالىقتار