اقمولالىق تاەكۆوندشىلار حالىقارالىق تۋرنيردە توپ جاردى

اقمولا وبلىسىنىڭ دەنەشىنىقتىرۋ جانە سپورت باسقارماسىنىڭ باسپا ءسوز حاتشىسى ماحاببات بولشينانىڭ ايتۋىنشا، الماتى قالاسىندا WT تاەكۆوندا بويىنشا حالىقارالىق تۋرنير ءوتتى. جارىسقا ەلىمىزدىڭ ءار ءوڭىرى مەن شەت ەلدەردەن كەلگەن بارلىعى 750 جۋىق سپورتشى قاتىستى. ونىڭ ىشىندە اقمولالىق سپورتشىلار جوعارى ناتيجە كورسەتتى.
«التى دۇركىن الەم چەمپيونى مۇستافا وزتۇرىكتى ەسكە الۋعا ارنالعان تۋرنيرگە 14 اقمولالىق جاس تاەكوندشى قاتىسىپ، باق سىنادى. جارىس قورىتىندىسى بويىنشا 44 كەلى سالماقتاعىلار اراسىندا كاميلا قايىرگەلدى مەن 24 كەلى سالماقتا سىنعا تۇسكەن دانەكەر كەنجەباي جارىس جەڭىمپازى اتاندى. سونىمەن قاتار كەنجەباي ماديار (37 ك گ)، ارۋجان ساكەنوۆ (59 ك گ)، 6-7 جاستاعىلار اراسىندا باتىرحان ۋرمانوۆ كۇمىس، ەرسۇلتان دۇيسەمبين (78 ك گ) قول جۇلدەگە يە بولدى. بۇعان قوسا، بەكزات سماعۇلوۆ «جەڭىسكە دەگەن جىگەرى» اتالىمىنا لايىق دەپ تانىلدى. سپورتشىلاردى تاجىريبەلى تالىمگەرلەر ەرجان ۋرمانوۆ پەن عالىمجان مىرزاگەلدى جاتتىقتىرادى»، - دەيدى ماحاببات بولشينا.