رەجيسسەر قاناعات مۇستافين تۇسىرگەن «ەڭ سۇلۋ» قازاقستاندىق فيلمى پروكاتقا شىقتى
«بۇل كينوتۋىندى «16 قىز» فيلمىنىڭ جالعاسى ەمەس. جاڭا فيلم. رومانتيكالىق كومەديا جانرىندا تۇسىرىلگەن «16 قىز» فيلمىندە باستى ەكى كەيىپكەر عانا بولسا، جاڭا فيلمدە توعىز نەگىزگى كەيىپكەر بار. جانرى جاعىنان كريمينالدى كومەدياعا جاقىن. بۇل «16 قىز» فيلمىنىڭ كەيىپكەرلەرى قاتىساتىن وتباسىلىق كورسەتىلىمگە ارنالعان فيلم، - دەيدى رەجيسسەر قاناعات مۇستافين.
فيلمنىڭ جەلىسى بويىنشا كارتينانىڭ باستى كەيىپكەرى سامات وتىزدان اسسا دا ءالى كۇنگە دەيىن وتباسىن قۇرماعان سۇربويداق. جان دوسىن ۇيلەندىرۋدى كوزدەگەن باۋىرجان ساماتپەن بىرگە قالىڭدىق ىزدەپ قالاعا اتتانادى. وسى جولدا ەكى دوس قىزىقتى دا شىتىرمان وقيعالاردى باستان وتكىزەدى. فيلمدەگى وقيعا 80 ميلليون تەڭگە تۇراتىن شين اۋلەتىنىڭ XIV عاسىرداعى قۇمىرانىڭ ۇلتتىق مۇراجايدان ۇرلانۋىمەن قوسا ءوربيدى.
«16 قىز» فيلمىنىڭ باستى كەيىپكەرلەرى - اشا ماتاي مەن بەرىك ايتجانوۆتان باسقا جەتى نەگىزگى كەيىپكەر بار. ولاردى عاني قۇلجانوۆ، اسان ءماجيت، فارحات ءابدىرايىموۆ، مۇرات بيسەمبين جانە باسقالار سومدايدى. ايتا كەتەلىك، فيلمدە كومەديالىق اكتەر رەتىندە العاش كينوعا تۇسكەن ارتىستەر دە بار. ولار: اكتەر قۋانىش دولدايەۆ، بلوگەر تەلەجۇرگىزۋشى اسەل اسقار، تەلە- راديو جۇرگىزۋشى، شوۋمەن قازىبەك قاسىم جانە ءانشى كەنتال (تالعات كەنجەبولاتوۆ) .
ءتۇسىرىلىم جۇمىستارى الماتى جانە قالاعا جاقىن ماڭدا جۇرگەن. توناۋ ساحنالارى ءۇشىن فيلمنىڭ قويۋشى- سۋرەتشىسى نۇربولات قۇلمۇحامبەتوۆ شين اۋلەتى قۇمىراسىنىڭ توعىز كوشىرمەسىن جاساعان.
