پۋتيننىڭ وققاعارلارى يتەرىپ تاستاعان ارداگەر وقيعانى ءتۇسىندىردى

استانا. قازاقپارات - ۇلى وتان سوعىسىنىڭ ارداگەرىن رەسەي پرەزيدەنتىنىڭ وققاعارلارى قىزىل الاڭدا يتەرىپ تاستاعان.

قاريا وقيعانىڭ قالاي بولعانىن REN-TV تەلەارناسىنا ايتىپ بەردى. «قانداي سەزىمدە بولدىڭىز دەيسىز بە؟ ونىمەن ءبىرىنشى رەت سويلەسىپ تۇرعانىم جوق. بارلىعى جاقسى ءوتتى. مەنى شاراعا ارداگەر دەپ شاقىردى. تريبۋنادا بىرگە وتىردىق. مەنىڭ ونىڭ ارتىندا وتىردىم. ول كەلگەن ساتتە بارىمەن قول الىسىپ امانداستى. باسقا ارداگەرلەر دە بار ەدى. ول تريبۋنادان ءسوز سويلەدى. سوسىن بەلگىسىز سارباز زيراتىنا كەلدى. مەن العا قاراي ءجۇرىپ كەتتىم»، - دەيدى گەنەرال- مايور دميتري سىركاشەۆ.

«پرەزيدەنتتىڭ ەكى وققاعارى بولدى. مەن ارتىندا كەلە جاتتىم. پرەزيدەنت مەنى بىلەدى عوي. كوپ كەزدەسكەنبىز. وققاعارلار مەنى شەتكە يتەرمەك بولعان، ءبىراق پرەزيدەنت مەنىڭ قولىمنان ۇستاپ، وزىمەن الىپ كەتتى. وققاعارلار سودان كەيىن ماعان تيىسپەدى. ولار پرەزيدەنتتىڭ مەنى بىلەتىنىن سەزدى»، - دەدى ول.

ەسكە سالايىق، 9 -مامىردا ۆلاديمير پۋتين پرەزيدەنتتىك وققاعارلار يتەرىپ تاستاعان ارداگەردى وزىنە جاقىن ۇستاپ، جىلى تارتقان ەدى.

Kaz.tengrinews.kz