گاۆاي ارالدارىندا جانارتاۋ اتقىلاپ، كۇل شاشىپ جاتىر

ۆەدومستۆونىڭ دەرەگى بويىنشا، كۇل جانارتاۋ وزەگىنىڭ ىشىندەگى تاۋ جىنىستارىنىڭ وپىرىلۋى سالدارىنان اتقىلاعان. بۇل جەر استى سۋلارىنا دەيىن كراتەردەگى لاۆا دەڭگەيىنىڭ تومەندەۋىنە بايلانىستى ەمەس، دەلىنگەن گەولوگيالىق قىزمەتتىڭ تاراتقان حابارلاماسىندا.
بۇدان بۇرىن ۆەدومستۆو الداعى اپتادا كيلاۋەانىڭ تاعى دا اتقىلايتىنىن ءمالىم ەتكەن بولاتىن. اتالىپ وتكەندەي، جانارتاۋ كراتەرىندەگى لاۆا دەڭگەيىنىڭ تۇراقتى تومەندەۋى «الداعى اپتادا جارىلىسپەن قاتار جۇرەتىن اتقىلاۋعا» اكەلىپ سوقتىرۋى مۇمكىن.
شتاتتىڭ توتەنشە جاعدايلار اگەنتتىگى لانيپۋن اۋدانىندا ەكى جاڭا جانارتاۋ جارىعىنىڭ پايدا بولعانىن راستادى. بۇل جارىقتاردان ۋلى گازدار شىعىپ جاتىر. ونىڭ دەرەگى بويىنشا، مۇنداي جارىقتاردىڭ سانى 14 كە دەيىن وسكەن. وسىعان بايلانىستى بيلىك جاڭا ەۆاكۋاتسيا جاريالادى. 2 مىڭنان استام ادام ءوز ۇيلەرىن تاستاپ كەتۋگە ءماجبۇر بولدى.
0,347 شارشى شاقىرىمعا جايىلعان لاۆا 35 ءۇي-جايدى جويدى. دەرەكتەر بويىنشا، ەشكىم تابيعي اپاتتان زارداپ شەكپەگەن.
3- مامىردا كيلاۋەا جانارتاۋىنىڭ اتقىلاۋىمەن قاتار، قۋاتى 6,9 بالدىق جەر سىلكىنىسى بولدى. جەراستى ءدۇمپۋىنىڭ ەپيتسەنترى حاۆايان-پەرادايس-پارك (پۋنا وكرۋگى) اۋماعىنان وڭتۇستىك-باتىسقا قاراي 25,5 شاقىرىم جەردە ورنالاسقان. جەر سىلكىنىسىنىڭ وشاعى 5 شاقىرىم تەرەڭدىكتە جاتىر.