گولوۆكين-الۆارەس رەۆانشىن بيىل وتكىزۋگە نە كەدەرگى

«كەلەسى اپتادا مەن «Golden Boy Promotions» - ءتىڭ جىگىتتەرىمەن كەزدەسەمىن. گولوۆكين مەن الۆارەس اراسىنداعى رەۆانشتى وتكىزۋ ماسەلەسىن تالقىلايمىز. سونداي-اق، ن ۆ و تەلەارناسىنىڭ وكىلدەرىمەن كەلىسسوزدەر وتكىزەمىز»، - دەدى ت. لەففلەر ESPN Deportes ارناسىنا بەرگەن سۇحباتىندا.
شەتەلدىڭ بۇقارالىق اقپارات قۇرالدارى تاراتقان مالىمەتكە سايكەس، گولوۆكيننىڭ كومانداسى تاراپىنان ناقتى ءبىر تالاپ بار. ساۋل الۆارەس رەۆانشقا دەيىن ۇنەمى دوپينگ-سىناماسىن تاپسىرىپ وتىرۋى ءتيىس. نيەۆادا شتاتىنىڭ اتلەتيكالىق كوميسسياسى مەكسيكالىق بوكسشىنى التى ايعا شەتتەتسە دە، دوپينگ-تەستتەردى تاپسىرۋعا مىندەتتەگەن جوق. وعان قوسا، «كانەلو» WBC- ءدىڭ «تازا بوكس» باعدارلاماسىنان شىعىپ كەتتى. ال ونداي بوكسشىلاردى ەشكىم تەكسەرمەيدى.
گولوۆكيننىڭ باپكەرى ابەل سانچەس تە اتلەتيكالىق كوميسسيانىڭ جەڭىل جازاسىن سىنعا العان بولاتىن.
ال سپورت ساراپشىلارى ونداي شەشىمنىڭ سەبەبىن ءتۇسىندىردى.
بۇدان بولەك، گولوۆكين-الۆارەس رەۆانشىن ۇيىمداستىرۋ ءۇشىن حالىقارالىق بوكس فەدەراتسياسىمەن ءبىر كەلىسىمگە كەلۋ كەرەك. سەبەبى اتالعان ۇيىم مارتيروسيانعا قارسى جەكپە-جەكتەن كەيىن گولوۆكيندى IBF بەلبەۋىنەن ۇمىتكەر سەرگەي ديەۆيانچەنكومەن قارسى شىعۋعا مىندەتتەپ وتىر. بۇعان دەيىن GGG- ءدىڭ كومانداسى 20 مىڭ دوللار تولەپ، ۇيىمنىڭ مىندەتتەمەسىن كەيىنگە شەگەرگەن بولاتىن.
قازىرگى كەزدە توم لەففلەر بەلبەۋدى قورعاۋ مىندەتىن ەكىنشى رەت ۇزارتۋدى سۇراپ وتىر.
ايتا كەتەيىك، گولوۆكين مەن الۆارەستىڭ وكىلدەرى رەۆانش وتكىزۋگە كەلىسىپ، IBF ءوز رۇقساتىن بەرسە، اتالعان جەكپە-جەك اعىمداعى جىلى 15- قىركۇيەكتە ءوتۋى ابدەن مۇمكىن.