مۇناي باعاسى سوڭعى ءۇش جىلداعى ەڭ جوعارى دەڭگەيگە كوتەرىلدى

استانا. قازاقپارات - ا ق ش پرەزيدەنتى دونالد ترامپ ا ق ش-تىڭ يرانمەن يادرولىق كەلىسىمنەن شىعاتىنى جونىندەگى مالىمدەمەسىنەن كەيىن مۇناي باعاسى سارسەنبىدە سوڭعى جىلدارداعى ەڭ جوعارعى شەگىنە جەتتى، دەپ حابارلايدى قازاقپارات BusinessInsider سىلتەمە جاساپ.

WTI ماركىلى مۇناي %2,8 قىمباتتاپ، باررەلىنە 71,17 ا ق ش دوللارى بەلگىلەندى. بۇل - 2014 -جىلدىڭ قاراشا ايىنان بەرگى ەڭ جوعارى كورسەتكىش.

Brent ماركالى مۇنايدىڭ باعاسى دا سوڭعى ءۇش جىلداعى ەڭ جوعارى دەڭگەيگە جەتتى،

ول %2,8 ءوسىپ باررەلىنە 77,20 دوللار بولدى.

ترامپ مالىمدەمەسىندە ا ق ش تەگەرانعا قاتىستى «بارىنشا قاتاڭ ەكونوميكالىق سانكسيالاردى» قالپىنا كەلتىرەتىنىن اتاپ وتكەن. بۇل ءجۇز مىڭداعان باررەل مۇنايدىڭ ساۋداسىنا كەدەرگى كەلتىرەدى.

يران وپەك مۇشەلەرىنىڭ ىشىندە مۇناي ءوندىرۋ كولەمى جاعىنان ءۇشىنشى ەل. ول الەمدەگى مۇنايدىڭ %5 جەتكىزەدى. 2012 -جىلى ا ق ش يرانعا قاتىستى ەكونوميكالىق سناكتسيالاردى كۇشەيتكەن سوڭ الەمدەگى مۇناي باعاسى %15 ءوسىپ، ەلدەگى مۇناي ءوندىرۋ تاۋلىگىنە ءبىر ميلليون باررەلگە قىسقارعان بولاتىن.

اۆتور: الماس جەكسەنبەكوۆ