ق ر پرەزيدەنتى جاڭا سايلانعان ارمەنيا پرەمەرىنە قۇتتىقتاۋ جەدەلحاتىن جولدادى

استانا. قازاقپارات - مەملەكەت باسشىسى نۇرسۇلتان نازاربايەۆ نيكول پاشينيانعا ارمەنيا رەسپۋبليكاسىنىڭ پرەمەر-ءمينيسترى لاۋازىمىنا سايلانۋىنا بايلانىستى قۇتتىقتاۋ جەدەلحاتىن جولدادى، دەپ حابارلايدى اقوردانىڭ باسپا ءسوز قىزمەتى.

نۇرسۇلتان نازاربايەۆ نيكول پاشينياندى ارمەنيا رەسپۋبليكاسىنىڭ پرەمەر-ءمينيسترى لاۋازىمىنا سايلانۋىمەن قۇتتىقتادى.

قازاقستان پرەزيدەنتى نۇرسۇلتان نازاربايەۆ ن. پاشينياننىڭ باسشىلىعىمەن ارمەنيا ورنىقتى دامۋعا جانە ەل تۇرعىندارىنىڭ الەۋمەتتىك ءال-اۋقاتىن ارتتىرۋعا باعىتتالعان ساياساتتى جالعاستىرا بەرەتىنىنە سەنىم ءبىلدىردى.

«ەكى مەملەكەت اراسىندا قالىپتاسقان دوستىق پەن ءوزارا تۇسىنىستىك قاتىناستار قازاقستان مەن ارمەنيانىڭ ءوزارا ىقپالداستىعىن ءداستۇرلى سەرىكتەستىك رۋحىندا كەڭەيتە ءتۇسۋ ءۇشىن جانە حالىقتارىمىزدىڭ يگىلىگى جولىندا الداعى ۋاقىتتا دا بەرىك نەگىز بولا بەرەدى دەپ سەنەمىن»، - دەلىنگەن جەدەلحاتتا.