جالاعاشتا مال ۇرلاعاندار جازاسىن الدى سى

بۇل ىسكە كۇدىكتى رەتىندە تانىلعان 4 ادام 20 عا جۋىق ءىرى قارا جانە ۋاق مالدى قولدى ەتكەن، دەپ حابارلايدى قازاقپارات ءتىلشىسى.
جابىرلەنۋشىلەر وتكەن جىلى جەرگىلىكتى ىشكى ىستەر بولىمىنە مالدارى ۇرلانعانى جونىندە شاعىم ءتۇسىردى. جايىلىمعا جىبەرگەن مالدارى قايتپاي قالۋ جاعدايى ءجيى ورىن الا باستاعان ەدى. ءتارتىپ ساقشىلارى جەدەل ىزدەستىرۋ ناتيجەسىندە ۇرلىققا قاتىسى بار 4 كۇدىكتىنى قولعا ءتۇسىردى.
كۇدىكتىلەر مالداردى جايىلىمنان قولدى ەتىپ كەلگەن. ءتىپتى، ولار مالدى قورادان دا الىپ كەتكەن جاعدايلار كەزدەسكەن. قىلمىستىق ءىس اۋداندىق سوتتا ءبىر اي بويى قارالدى. ايتا كەتەلىك، بۇل قىلمىستىق ءىس 14 ەپيزود بويىنشا جۇرگىزىلدى.
«كۇدىكتىنىڭ ەكەۋىنە جابىرلەنۋشىلەر تاراپىنان كەشىرىم بەرىلگەن. ولارعا كەلتىرىلگەن شىعىنداردى وتەپ بەرەتىن بولعاندىقتان جابىرلەنۋشىلەر وسىنداي شەشىمگە كەلگەن» ، - دەدى جالاعاش اۋداندىق سوتىنىڭ ءتوراعاسى اسىلحان ميزانبايەۆ.
سوت ۇكىمىمەن سوتتالۋشىلاردىڭ ەكەۋىنىڭ بىرنەشە مارتە مال ۇرلىعىن جاساعانى ءۇشىن 2 جىل 6 ايعا باس بوستاندىعى شەكتەلدى. ال تاعى ەكەۋى كەلتىرىلگەن زالالدى وتەپ، جابىرلەنۋشىلەرمەن بىتىمگە كەلۋىنە بايلانىستى قىلمىستىق ىستەرى توقتاتىلىپ، سوت زالىنان بوساتىلدى.
ءادىلجان ۇمبەت