09:53, 06 - مامىر 2018 | GMT +5
الماتىدا قوس باسقارماعا جاڭا باسشى تاعايىندالدى
الماتى. قازاقپارات - الماتى قالاسى جولاۋشىلار كولىگى مەن اۆتوموبيل جولدارى باسقارماسىنىڭ باسشىسى بولىپ تالعات حوسچانوۆ تاعايىندالدى، دەپ حابارلايدى قازاقپارات ءتىلشىسى.

ت. حوسچانوۆ وسىعان دەيىن بۇل باسقارما باسشىسىنىڭ ورىنباسارى بولىپ قىزمەت اتقارىپ كەلگەن.
اتالعان باسقارمانى بىرنەشە جىل باسقارىپ كەلگەن ماقسۇت يساحوۆ قالالىق ەنەرگەتيكا جانە كوممۋنالدىق شارۋاشىلىق باسقارماسىنىڭ باسشىسى بولىپ تاعايىندالدى.
ايتا كەتەيىك، سوڭعى جىلدارى قالادا 800 شاقىرىم ينجەنەرلىك جەلى تارتىلعان. 313 شاقىرىم سۋ قۇبىرى، 266 شاقىرىم كارىز جۇيەسى سالىنعان، 150 شاقىرىم ەلەكتر جەلىسى، 32,3 شاقىرىم جىلۋ جەلىسى جۇرگىزىلگەن.
قالا اكىمى باسقارمانىڭ جاڭا باسشىلارىنا جول جابىندىلارى مەن ەلەكتر ەنەرگياسىمەن قامتۋ قاۋىپسىزدىگىن قامتاماسىز ەتۋدى تاپسىردى.