اتىراۋ پوليتسەيلەرى كوپىردەن سەكىرمەك بولعان قىزدى قۇتقارىپ قالدى

اتىراۋ. قازاقپارات - اتىراۋ پوليتسەيلەرى كوپىردەن سەكىرمەك بولعان قىزدىڭ ومىرىنە اراشا ءتۇستى، دەپ حابارلايدى قازاقپارات ءتىلشىسى.
None
None

اتىراۋ وبلىستىق ءى ءى د مەملەكەتتىك ءتىل جانە اقپارات توبىنىڭ جەتەكشىسى نازىمگۇل قايساعاليەۆانىڭ ايتۋىنشا، وزدەرىنە بەكىتىلگەن اۋماقتى شولۋ كەزىندە پوليتسيا قىزمەتكەرلەرى ورتالىق كوپىردىڭ قورشاۋىنان اسىپ، سەكىرگەلى تۇرعان قىزدى كوزى شالادى. دەرەۋ قاسىنا بارىپ، ونى سابىرعا شاقىرعان. كەلىسسوزگە شاقىرعان كەزدە ازاماتشانىڭ قارسىلىق تانىتقانىنا قاراماستان، وڭتايلى ءساتتى پايدالانعان پوليتسەيلەر ونى كوپىردىڭ جاياۋ جۇرگىنشىلەر جۇرەتىن قاپتالىنا شىعارىپ الدى. كەيىن ءمان-جايدى انىقتاۋ ماقساتىندا اتىراۋ قالالىق ىشكى ىستەر باسقارماسىنا جەتكىزىلگەن.

بەلگىلى بولعانداي، ازاماتشا - 1988 -جىلى تۋعان جەرگىلىكتى تۇرعىن.

ايتا كەتەيىك، قىزدى قۇتقارىپ قالعان ەكى قىزمەتكەردى ءبىرى - اتىراۋ ءى ءى ب ج پ پ ب پوليتسەيى، پوليتسيا سەرجانتى قۋات ابدولوۆ ىشكى ىستەر ورگاندارىندا 2014 -جىلدان بەرى قىزمەت اتقارىپ كەلەدى. ال ەكىنشى ءتارتىپ ساقشىسى - اتالعان باسقارمانىڭ قىزمەت ينسپەكتورى، پوليتسيا كىشى لەيتەنانتى ابىلاي ساعىنوۆ پوليتسيا قاتارىندا 2015 -جىلدان باستاپ جۇمىس جاسايدى.

سوڭعى جاڭالىقتار