ەلوردادا الداعى ءۇش كۇندە تەگىن ەكسكۋرسيالار ۇيىمداستىرىلادى

استانانىڭ 20 جىلدىعىن مەرەكەلەۋ اياسىندا ۇيىمداستىرىلعان شاراعا قاتىسۋشىلار «AiLand» (وكەاناريۋم) كوڭىل-كوتەرۋ ورتالىعىن، «حان شاتىر» ورتالىعىن، «ماڭگىلىك ەل» سالتانات قاقپاسىن، ۇلتتىق مۋزەيدى، «استانا بايتەرەك» مونۋمەنتى مەن «MEGA Silkway» ساۋدا ويىن-ساۋىق ورتالىعىن ارالاپ قايتادى.
اۆتوبۋستاعى ەكسكۋرسيالار قازاق جانە ورىس تىلدەرىندە اۋديوگيدتىڭ كومەگىمەن جۇرگىزىلەدى (ءبىر رەيس - قازاق تىلىندە، ەكىنشى رەيس - ورىس تىلىندە، اۋىسۋ ارقىلى).
قوعامدىق كولىك «AiLand» جانە «MEGA Silkway» ايالدامالارىنان ساعات 10:00 دە (قازاق تىلىندە)؛ 12:05 تە (ورىس تىلىندە)؛ 14:30 دا (قازاق تىلىندە)؛ 16.35 (ورىس تىلىندە)؛ 16:35 تە (ورىس تىلىندە) جانە 18:40 تا (قازاق تىلىندە) ساپارعا شىعادى.
ەكسكۋرسيانى بەلگىلى ءبىر تىلدە عانا تىڭداعىسى كەلەتىندەر وزدەرىمەن بىرگە قۇلاققاپ الىپ كەلۋى قاجەت.