ترامپ: كيم چەن ىنمەن كەزدەسەتىن جەر بەلگىلەندى

 استانا. قازاقپارات - ا ق ش پرەزيدەنتى دونالد ترامپ سولتۇستىك كورەيا ليدەرى كيم چەن ىنمەن كەزدەسەتىن ورىن مەن ۋاقىتتى كەلىسكەنى تۋرالى مالىمدەدى.
None
None

ول بۇل تۋرالى جۇما كۇنى اق ۇيدە جۋرناليستەر سۇراعىنا بەرگەن جاۋابىندا حابارلاعان، ءبىراق كەزدەسۋدىڭ ناقتى قاي جەردە جانە قاشان وتەتىنىن اشىپ ايتپاعان. «بۇل تۋرالى ءبىز جاقىن ارادا جاريالايمىز»، - دەگەن ول.

ا ق ش پرەزيدەنتى الداعى كەزدەسۋدىڭ «وتە جاقسى ناتيجەمەن» اياقتالاتىنىنا سەنىمدى ەكەنىن ايتقان. ول سونىمەن بىرگە سولتۇستىك كورەيادا قاماۋدا وتىرعان ءۇش ا ق ش ازاماتىنىڭ تاعدىرىنا قاتىستى كەلىسسوزدەر وتكەنىن دە حابارلاپ، «جاقسى نارسەلەر كورەسىزدەر دەگەن ويدامىن» دەپ مالىمدەگەن.

بۇعان دەيىن ترامپ كيم چەن ىنمەن كەزدەسۋى وڭتۇستىك كورەيا مەن سولتۇستىك كورەيانىڭ شەكاراسىنداعى پحانمۋندجوم ايماعىندا ءوتۋى مۇمكىن ەكەنى تۋرالى حابارلاعان. ءساۋىردىڭ 27 ءسى كۇنى پحانمۋندجومدا سولتۇستىك كورەيا باسشىسى كيم چەن ىن مەن وڭتۇستىك كورەيا پرەزيدەنتى مۋن چجە ين كەلىسسوز وتكىزگەن بولاتىن. كەي باسپا ءسوز قۇرالدارى ترامپ پەن كيم چەن ىن كەزدەسۋى وتەتىن ىقتيمال ورىندار رەتىندە سينگاپۋر، موڭعوليا مەن شۆەيتساريانى دا اتاعان ەدى.

«ازاتتىق»

سوڭعى جاڭالىقتار