قازاقستاننىڭ وليمپيادالىق كومانداسىن ەرەكشەلەندىرەتىن ويۋ-ورنەككە بايقاۋ جاريالاندى

استانا. قازاقپارات - ق ر ۇلتتىق وليمپيادالىق كوميتەتى قازاقستاننىڭ وليمپيادالىق كومانداسىنىڭ ويۋ-ورنەگىن جاساۋعا ارنالعان بايقاۋ جاريالادى، دەپ حابارلايدى قازاقپارات ءتىلشىسى.
None
None

ايتا كەتەيىك، ۇزدىك ويۋ-ورنەك وليمپيادا، ازيادا جانە الەم بىرىنشىلىكتەرىندە قازاقستان قۇرامالارىنىڭ سپورتتىق كيىمدەرىنە، سومكەلەرىنە، سونداي-اق ارنايى سپورتتىق كادەسىيلارعا تاڭبالاناتىن بولادى.

بايقاۋدىڭ تاقىرىبى - قازاقستاننىڭ مادەنيەتى مەن داستۇرىنەن سىر شەرتەتىن، وليمپيزم يدەولوگياسىمەن بايلانىسى بار، قازاقستان كومانداسىن بىلدىرەتىن ورنەكتى جاساۋ. بايقاۋعا تەحنيكالىق تالاپتارعا ساي كەز كەلگەن گرافيكالىق ماتەريالدار قابىلدانادى. سونىمەن قاتار ويۋ-ورنەكتىڭ سيپاتتاماسى، ءمانى مەن مازمۇنى جازىلۋى ءتيىس. تاعى ءبىر قويىلاتىن تالاپ - ۇسىنىلعان ويۋ-ورنەكتەر مەملەكەتتىك تۋدىڭ ويۋلارىنا ۇقساس بولماۋى كەرەك.

بايقاۋ 2018-جىلدىڭ 2- مامىرى مەن 15- شىلدەسى ارالىعىندا ەكى كەزەڭ بويىنشا وتكىزىلەدى. العاشقى كەزەڭ ۇستىمىزدەگى جىلدىڭ 2- مامىرى مەن 28- ماۋسىمى ارالىعىندا وتەدى. وسى ارالىقتى جۇمىستار قابىلدانادى. تۋىندىلاردى ق ر ۇلتتىق وليمپيادالىق كوميتەتىنىڭ [email protected] ەلەكتروندى پوشتاسىنا جىبەرۋگە بولادى.

ەكىنشى كەزەڭدە ونلاين-داۋىس بەرۋ وتكىزىلەدى. ساراپشىلار كوميسسياسى ىرىكتەپ العان 5 جۇمىس 2- شىلدە كۇنى ق ر ۇلتتىق وليمپيادالىق كوميتەتىنىڭ سايتى مەن الەۋمەتتىك جەلىلەردەگى پاراقشاسىنا جاريالانادى. داۋىس بەرۋ 13- شىلدەگە دەيىن جالعاسادى. جەڭىمپاز ونلاين-داۋىس بەرۋ ارقىلى انىقتالادى. بايقاۋ قورىتىندىسى 16- شىلدەدە جاريالانادى.

بايقاۋدىڭ ناتيجەسىندە جەڭىمپاز جانە ەكى جۇلدەگەر انىقتالادى. ءبىرىنشى ورىنعا يە بولعان جۇمىستىڭ اۆتورىنا ق ر ۇ و ك اتىنان وليمپيادا چەمپيونى/جۇلدەگەرىنىڭ قولتاڭباسى بار ەستەلىك سىيلىق جانە وليمپيادالىق كوميتەتتىڭ سەرىكتەسى ۇسىنعان سىيلىق بەرىلەدى. ەكىنشى جانە ءۇشىنشى ورىن العان اۆتورلار دا ەستەلىك سىيلىقتار الادى.

اۆتور: كۇنسۇلتان وتارباي

سوڭعى جاڭالىقتار