ورالدا «مانشۇك» دراماسىنىڭ پرەمەراسى بولدى

ورال. قازاقپارات - ح. بوكەيەۆا اتىنداعى وبلىستىق قازاق دراما تەاترىندا جازۋشى- دراماتۋرگ، مەملەكەتتىك سىيلىقتىڭ يەگەرى ءسابيت دوسانوۆتىڭ شىعارماسى بويىنشا «مانشۇك» دراماسىنىڭ پرەمەراسى بولدى، دەپ حابارلايدى قازاقپارات ءتىلشىسى.
None
None

كەڭەس وداعىنىڭ باتىرى مانشۇك مامەتوۆانىڭ جاستاي جالىن كەشكەن، قامشىنىڭ سابىنداي قىسقا عۇمىرىنا ارنالعان سپەكتاكلدى قازاقستاننىڭ ەڭبەك سىڭىرگەن قايراتكەرى اسحات ماەميروۆ پەن ءاليا بايماحان ساحنالاسا، سۋرەتشىلەرى - مادەنيەت سالاسىنىڭ ۇزدىگى قايىر ورازعاليەۆ پەن مۇرات مامبەتوۆ. قويىلىمنىڭ بارىنشا ءساتتى شىعۋىنا سونداي-اق حورەوگراف قارلىعاش قادىربەكوۆا جانە باسقا تەاتر ماماندارى اتسالىستى.



تاريحي دەرەكتەرگە نەگىزدەلگەن تۋىندىدا مانشۇكتىڭ رولىندە ايجان قايىروۆا مەن ايگەرىم ساعادەنوۆا وينايدى. ولاردىڭ ءبىرى باتىر قىزدىڭ بەيبىت كۇندەگى وي-ارمانىن، كوكەيىندەگى مۇڭىن جەتكىزۋگە تىرىسسا، ەكىنشىسى سوعىس كورىپ، قاتايعان، جاۋدان كەك الماي، قايتپاۋعا بەكىنگەن مانشۇكتىڭ بەينەسىن ساحناعا شىعاردى. سونداي-اق مانشۇكتىڭ انالارى رولىندە قازاقستاننىڭ ەڭبەك سىڭىرگەن قايراتكەرى گۇلجيان شىنتەمىر، قازاقستاننىڭ ەڭبەك سىڭىرگەن ءارتىسى، «دارىن» مەملەكەتتىك سىيلىعىنىڭ يەگەرى اسەل مامبەتوۆا، اكەلەرى رەتىندە ايدار جارىلعاپوۆ پەن تاليعات جىگەروۆ كورىندى. ال مانشۇكتى ۇناتىپ قالىپ، سەزىمىن بىلدىرگەن جاۋىنگەر نۇركەننىڭ ءرولىن جىلقىباي جۇباتوۆ سومدادى.



پرەمەراعا ارنايى كەلگەن تۋىندى اۆتورى ءسابيت دوسانوۆ شىعارمانى قويعانى ءۇشىن باتىس قازاقستان وبلىستىق قازاق دراما تەاترىنىڭ ۇجىمىنا ريزاشىلىعىن ءبىلدىردى.

باتىس قازاقستان وبلىسىنىڭ اكىمى التاي كولگىنوۆ بۇل سپەكتاكلدىڭ جەڭىس كۇنىنە وراي ارنايى قويىلعانىن، بۇگىنگى جاس ۇرپاقتى وتانشىلدىق رۋحتا تاربيەلەۋدە مۇنداي تۋىندىلاردىڭ ءمان- ماڭىزى زور ەكەندىگىن جەتكىزدى. قازاقتىڭ باتىر قىزى جەرلەنگەن نەۆەل قالاسىندا بيىلعى جەڭىس مەيرامىنا ب ق و-دان ارنايى دەلەگاتسيا قاتىسسا، الداعى جازدا استانانىڭ 20 جىلدىعىنا وراي ەلوردادا مانشۇكتىڭ ەڭسەلى ەسكەرتكىشى ورناتىلماقشى. ەندى بۇعان ەرلىكتى دارىپتەيتىن جاڭا قويىلىم قوسىلىپ وتىر.



سپەكتاكلدى قويعان رەجيسسەرلەردىڭ ءبىرى، م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى اسحات ماەميروۆ باتىس قازاقستاندىق تەاتردى بيىل كۇزدە الماتىعا گاسترولدىك ساپارمەن كەلىپ-كەتۋگە شاقىردى.

ايتا كەتەيىك، 8-13 -مامىر كۇندەرى ورالدا م. اۋەزوۆ اتىنداعى تەاتردىڭ گاسترولى وتەدى.

سوڭعى جاڭالىقتار