استانالىق سابينا باقاتوۆا كوركەم گيمناستيكادان ازيا چەمپيونى اتاندى

استانا. قازاقپارات - استانا قالاسىنىڭ «سپورتتىق جوعارى شەبەرلىك مامانداندىرىلعان مەكتەبىنىڭ» سپورتشىسى سابينا باقاتوۆا جاسوسپىرىمدەر اراسىنداعى كوركەم گيمناستيكادان XVI ازيا چەمپيوناتىندا 2 التىن جانە ءبىر قولا مەدال جەڭىپ الدى.
None
None

بۇل جايىندا ەلوردالىق مادەنيەت جانە سپورت باسقارماسىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

ءساۋىردىڭ 27 ىنەن باستاپ 3 -مامىرعا دەيىنگى ارالىقتا مالايزيانىڭ كۋالا-لامپۋر قالاسىندا وتكەن جارىسقا ازيانىڭ 18 ەلىنەن سپورتشىلار قاتىسقان بولاتىن.

سابينا باقاتوۆا قازاقستان قۇراماسىنىڭ ساپىندا كوماندالىق بىرىنشىلىكتە التىن مەدال جەڭىپ الدى. گيمناستيكانىڭ جەكەلەگەن تۇرلەرىنىڭ اقتىق سىنىندا ول قولا (دوپ) جانە التىن مەدال (شوقپار) يەلەنىپ، ازيا چەمپيونى اتاندى. سپورتشىنىڭ جاتتىقتىرۋشىسى - قازاقستان رەسپۋبليكاسىنىڭ كوركەم گيمناستيكادان ەڭبەك سىڭىرگەن جاتتىقتىرۋشىسى سۆەتلانا كراسنيكوۆا.

سابينا باقاتوۆادان بولەك كۋالا- لۋمپۋردا №1 -وليمپيادالىق رەزەرۆتىڭ مامانداندىرىلعان بالالار- جاسوسپىرىمدەر سپورت مەكتەبىنىڭ گيمناستشىلارى ونەر كورسەتتى.

سولاردىڭ ىشىندە ايبوتا ەرتاي قىزى جاسوسپىرىمدەر اراسىنداعى كوماندالىق بىرىنشىلىكتە ءبىرىنشى ورىنعا جانە جاسوسپىرىمدەر اراسىندا لەنتامەن جاتتىعۋ جاساۋدا ءۇشىنشى ورىنعا يە بولدى. ال سەلينا جۇماتايەۆا مەن اديليا تىلەكەنوۆا جاسوپىرىمدەر اراسىنداعى كوماندالىق بىرىنشىلىكتە ەكىنشى ورىن الدى.

ايتا كەتەيىك، كوركەم گيمناستيكادان XVI ازيا چەمپيوناتىنىڭ قورىتىندىسىندا قازاقستان كومانداسىنىڭ گيمناستشىلارى 17 مەدال، ونىڭ ىشىندە 7 التىن، 5 كۇمىس جانە 5 قولا مەدال جەڭىپ العان بولاتىن.

null

سوڭعى جاڭالىقتار