سولتۇستىك قازاقستاندا سەنبى كۇنى قار جاۋۋى ىقتيمال

سينوپتيكتەردىڭ حابارلاۋىنشا، سەنبى كۇنى سولتۇستىك قازاقستان وبلىسىندا سولتۇستىكتەن سەكۋندىنا 15-20 مەتر جىلدامدىقپەن جەل سوعادى. ەكپىنى سەكۋندىنا 23-28 مەترگە جەتۋى مۇمكىن، سونداي-اق جاۋىن، قار جاۋۋى ىقتيمال.
«قازگيدرومەت» مالىمەتتەرى بويىنشا، 6- مامىردا الماتى وبلىسى مەن الماتىدا جاۋىن جاۋىپ، كەي جەرلەردە ءتىپتى نوسەرلەتەدى. وسىعان بايلانىستى وزەندەر مەن كولدەردە سۋ دەڭگەيى كوتەرىلىپ، سۋ تاسقىنى بولۋى دا ىقتيمال.
سونداي-اق 6- مامىردا جامبىل وبلىسىندا جاۋىننىڭ كوپ تۇسۋىنە بايلانىستى سۋ دەڭگەيى كوتەرىلۋى مۇمكىن.
قوستاناي وبلىسى بويىنشا 5- مامىر كۇنى جەل كۇشەيۋىنە بايلانىستى ەسكەرتۋ جاريالاندى. تۇندە كەي جەرلەردە، كۇندىز ەلدىڭ باسىم بولىگىندە جەلدىڭ جىلدامدىعى سەكۋندىنا 15-20 مەتر بولادى، كەي جەرلەرگە تۇمان ءتۇسۋى ىقتيمال.
5- مامىردا وڭتۇستىك قازاقستان وبلىسى بويىنشا، شىعىستان سوعاتىن جەل كۇشەيىپ، سەكۋندىنا 15-20 مەترگە جەتىپ، شاڭدى داۋىلعا ۇلاسۋى مۇمكىن.