07:52, 05 - مامىر 2018 | GMT +6
پۋتين قازاقستان پرەزيدەنتىنىڭ تەلەراديوكەشەنىنە سۇحبات بەردى
استانا. قازاقپارات - مەملەكەت باسشىسى نۇرسۇلتان نازاربايەۆتىڭ رەسەيگە ساپارى قارساڭىندا ق ر پرەزيدەنتىنىڭ تەلەراديوكەشەنىنىڭ شىعارماشىلىق توبى سوچيگە بارىپ، الداعى ۋاقىتتا جارىق كورەتىن دەرەكتى فيلمنىڭ ءتۇسىرىلىم جۇمىستارىن جۇرگىزدى، دەپ حابارلايدى قازاقپارات ءتىلشىسى.
ق ر پرەزيدەنتى تەلەراديوكەشەنىنىڭ باس ديرەكتورى ەرلان بەكحوجين اتالعان فيلمگە وراي رەسەي پرەزيدەنتى ۆلاديمير پۋتيننەن سۇحبات الدى جانە ءوزىنىڭ «ۇلكەن ساياسات سىرتىنداعى اڭگىمەلەر» («زا كۋليسامي بولشوي پوليتيكي») اتتى كىتابىن سىيعا تارتتى.
اتالعان كىتاپ ق ر پرەزيدەنتى تەلەراديوكەشەنىنىڭ 20 جىلدىق مەرەيتويىنا وراي شىعارىلعان بولاتىن. وعان مەملەكەت باسشىسىنىڭ قىزمەتى جايىندا تەلەراديوكەشەن تۇسىرگەن ۇزدىك دەرەكتى فيلمدەردىڭ ادەبي تۇرعىدا وڭدەلگەن سەناريلەرى كىرگەن. كىتاپ الەم مەملەكەت باسشىلارىنىڭ ءتۇرلى كەزدەسۋلەرى، فورۋمدارى مەن قابىلداۋلارى ءتۇرلى-ءتۇستى سۋرەتتەرمەن بەزەندىرىلگەن.
