اقبەرەن ەلگەزەك جاستار كەڭەسى ءتوراعاسىنىڭ ورىنباسارى بولىپ بەكىتىلدى
«قازاقستان رەسپۋبليكاسى مادەنيەت جانە سپورت ءمينيسترى، جاستار كەڭەسىنىڭ ءتوراعاسى ارىستانبەك مۇحامەدي ۇلىنىڭ 2 - مامىرداعى بۇيرىعىمەن جاستار كەڭەسى ءتوراعاسىنىڭ ورىنباسارى بولىپ اقبەرەن ەلگەزەك، ال كەڭەستىڭ حاتشىسى بولىپ قازاقستان جازۋشىلار وداعى استانا قالالىق فيليالىنىڭ ديرەكتورى باۋىرجان قاراعىز ۇلى بەكىتىلدى»، - دەلىنگەن حابارلامادا.
ەسكە سالا كەتسەك، ۇلتتىق ادەبيەت پەن اقىندىق ونەردى قولداۋ جانە ناسيحاتتاۋ ماقساتىندا ق ر مادەنيەت جانە سپورت مينيسترلىگى جانىنان جاستار كەڭەسى قۇرىلعان بولاتىن.
مينيسترلىكتىڭ باسپا ءسوز قىزمەتىنەن حابارلاعانداي، كەڭەستىڭ نەگىزگى مىندەتتەرى - جاستارعا قاتىستى كەشەندى ادەبيەت جانە ونەر سالالارىنىڭ باسىم باعىتتارىن انىقتاۋ، ونى قالىپتاستىرۋ جانە ىسكە اسىرۋ، جەكە جانە زاڭدى تۇلعالارمەن، شىعارماشىلىق وداقتار، قاۋىمداستىقتار جانە تاعى باسقا قوعامدىق ماڭىزى ۇيىمدارمەن بىرلەسە وتىرىپ جۇمىس جۇرگىزۋ بولىپ وتىر. سونداي- اق، جاستار كەڭەسى جاستاردىڭ ءتۇرلى زاماناۋي فورۋمدارعا، كونفەرەنسيالارعا، جيىندارعا قاتىسىپ، مينيسترلىكتىڭ شەشىمدەرىن تالقىلاۋ مەن قابىلداۋ كەزىندە جۇرتشىلىقتىڭ پىكىرىن ەسكەرە وتىرىپ جۇمىس جۇرگىزەدى، مەملەكەتتىك جانە ۇكىمەتتىك باعدارلامالاردىڭ جوبالارىن جانە تاعى باسقا دا جاستارعا قاتىستى وزگە دە ماڭىزدى سۇراقتارىن تالقىلاپ، شىعارماشىلىق قايراتكەرلەرمەن جۇمىس بارىسىندا تۋىنداعان ماسەلەلەردى شەشۋدە ورتالىق جانە جەرگىلىكتى اتقارۋشى ورگاندارعا كونسۋلتاتيۆتىك كومەك كورسەتەدى.
جاس اقىن- جازۋشىلار كەڭەسىنىڭ قۇرامىنا ماقسات مالىك، ميراس مۇقاش، ميراس اسان، ايبول يسلامعالي، قانات ءابىلقايىر، باقىتگۇل باباش، دارحان بەيسەنبەك، ەرلان ءجۇنىس، باۋىرجان قاراعىز ۇلى، قالقامان سارين، بەيبىت سارىباي جانە تاعى ءبىرشاما ەلىمىزگە بەلگىلى جاس جانە ورتا بۋىننىڭ تانىمال اقىن- جازۋشىلارى ەنىپ وتىر.
اۆتور: ايان بەكەن ۇلى
