قانشا قازاقستاندىق رەسەي ازاماتتىعىنا يە بولعان

استانا. قازاقپارات - رەسەي فەدراتسياسىنىڭ ىشكى ىستەر مينيسترلىگى كەلتىرگەن دەرەككە قاراعاندا، سوڭعى بەس جىل ىشىندە رەسەيلىك ازاماتتىققا يە بولعانداردىڭ قاراسى ءۇش ەسە وسكەن.

ەگەر ر ف ءى ءى ش مالىمەتىنە سەنسەك، رەسەيلىك ازاماتتىق العاندار اراسىندا ورتا ازيادان شىققانداردىڭ قاراسى كوپ. سولاردىڭ ىشىندە تاجىكستان تۋمالارى كوش باستاعان.  ەكىنشى ورىندا كىم تۇر دەيسىز عوي؟ قازاقستاندىقتار. 40718 قازاقستاندىق ر ف ءتولقۇجاتىنا قول جەتكىزگەن. ال جالپى ەسەپتە، ياعني، ورتا ازيانى جانە الەمنىڭ وزگە ەلدەرىن قوسا العاندا، رەسەيلىك ازاماتتىق العاندار اراسىندا ۋكرينالىقتاردىڭ قاتارى قالىڭ - 85119.

ر ف ازاماتتىعىنا يە بولعان ارمەنيالىقتاردىڭ دا قاراسى كوپ - 25144 ادام. ودان كەيىنگى ورىنعا وزبەكستان جايعاسقان - 23334. دەسە دە مىنانى ايتا كەتپەسكە بولمايدى. ر ف ازاماتتىعىن العان قازاقستاندىقتاردىڭ دەنى ەتنيكالىق ورىستار. ولاردىڭ دەنى قازاقستاننىڭ سولتۇستىك وڭىرىنەن كورشى ەلگە قونىس اۋدارعان. ال تاجىكتەرگە كەلسەك، ولاردىڭ دەنى تاجىك ۇلتىنىڭ تۋمالارى.