14:14, 03 - مامىر 2018 | GMT +5
قازاقستاندىق قىزداردى شەتەلدە جىنىستىق قۇلدىققا سالماق بولعان وڭتۇستىك كورەيلىك ۇستالدى
استانا. قازاقپارات - قازاقستاندىق قىزداردى شەتەلدە جىنىستىق قۇلدىققا سالماق بولعان وڭتۇستىك كورەيلىك ۇستالدى.
بۇل تۋرالى بۇگىن بريفينگ بارىسىندا ق ر ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ايتتى، دەپ حابارلايدى قازاقپارات.
«استانا قالالىق ءى ءى د- ءنىڭ ۇيىمداسقان قىلمىسپەن كۇرەس باسقارماسى قىزمەتكەرلەرىنىڭ جەدەل جۇمىستارىنىڭ ناتيجەسىندە ەلوردادا وڭتۇستىك كورەيانىڭ 1 ازاماتى مەن قازاقستاننىڭ 2 ازاماتى ۇستالدى. ولار قىزداردى الداپ، كەيىننەن جىنىستىق قۇلدىققا سالۋ ءۇشىن شەتەلگە جىبەرۋمەن اينالىسقان. شەتەلدىك قىلمىستىق توپتىڭ سەركەسى بولىپ شىقتى»، - دەدى الماس سادۋبايەۆ.
