قانات يسلام ەستافەتانى ارداق نازاروۆقا جولدادى
بوكسشى ەستافەتانى ازامات بەكەت پەن دەنيس تەننەن قابىلداپ العان ەدى، دەپ حابارلايدى قازاقپارات ءتىلشىسى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساپ.
ا ق ش- تاعى فلوريدا شتاتىندا تۇرىپ جاتقان قانات يسلام قازاقستانداعى وقيعالاردى ۇنەمى باقىلاپ جۇرەدى. ول جاستاردى بۇقارالىق سپورتقا تارتۋعا باعىتتالعان رەسپۋبليكالىق جوبا جايلى وقي سالا، قازاقستاندىقتاردىڭ بەلسەندى ءومىر سالتىنا قاتىسۋعا شەشىم قابىلداعان.
«مەن بۇل ەستافەتانى كاسىبي بوكسشى بەيبىت شۇمەنوۆ پەن ارالاس جەكپە-جەكتەن الەم چەمپيونى ارداق نازاروۆقا جولدايمىن»، - دەدى سپورتشى ۆيدەو جولداۋىندا.
ەسكە سالا كەتسەك، «Street Workout KZ» اكسياسىن ق ر مادەنيەت جانە سپورت ءمينيسترى ارىستانبەك مۇحامەدي ۇلى باستاپ بەرگەن بولاتىن. ارىستانبەك مۇحامەدي ۇلى جوبانى ءوزى باستاپ، «Street Workout KZ» بايقاۋىن - وليمپيادا چەمپيونى سەرىك ساپيەۆكە، تانىمال ءانشى قايرات نۇرتاسقا، تانىمال قازاقستاندىق اكتەر ءادىل احمەتوۆقا جولداعان ەدى.
ال بۇدان كەيىن بوكسشى باقتيار ارتايەۆ پەن تاەكۆوندوشى ارمان چيلمانوۆ ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ Street workout KZ بويىنشا باستاماسىنا قوسىلدى.
اكسيانى كەيىن اتىراۋ وبلىستىق دەنە شىنىقتىرۋ جانە سپورت باسقارماسىنىڭ باسشىسى ازامات بەكەت بەيجىڭ وليمپيادا ويىندارىنىڭ تاەكۆاندودان قولا جۇلدەگەرى ارمان چىلمانوۆتان ەستافەتانى قابىلداپ، سوچي وليمپيادا ويىندارىنىڭ قولا جۇلدەگەرى مانەرلەپ سىرعاناۋشى دەنيس تەن جانە بوكستان الەم چەمپيونى گاليب دجافاروۆپەن بىرگە بەينە-ۇندەۋ تۇسىرگەن. روليكتە سپورتشىلار بارلىق قازاقستاندىقتاردى street workout-پەن اينالىسۋعا شاقىردى.
