12:54, 03 - مامىر 2018 | GMT +5
ۋكراينا ا ق ش- تىڭ رەسەيگە قارسى جاڭا سانكسياسىنا قوسىلدى
استانا. قازاقپارات - ۋكراينانىڭ ۇلتتىق قاۋىپسىزدىك جانە قورعانىس كەڭەسى رەسەيگە قاتىستى ءوزىنىڭ سانكسيا ءتىزىمىن ا ق ش- تىڭ تىزىمىمەن بىردەي ەتتى. كەڭەس سونىمەن قاتار كرەملگە قىرىمدى اننەكسيالاپ الىپ، دونباستاعى قارۋلى قاقتىعىسقا كيلىككەنى ءۇشىن سالعان سانكسيانىڭ مەرزىمىن ۇزارتتى.
6- ساۋىردە ا ق ش رەسەيدىڭ 24 ازاماتى مەن 14 كومپانياسىنا جاڭا سانكسيا سالعان. سانكسياعا ىلىككەندەر اراسىندا ميللياردەرلەر ولەگ دەريپاسكا، ۆيكتور ۆەكسەلبەرگ، سۋلەيمان كەريموۆ، يگور روتەنبەرگ، كيريلل شامالوۆ، ۆتب بانكىنىڭ باسشىسى الەكسەي كوستين، «گازپروم» كومپانياسىنىڭ باسشىسى الەكسەي ميللەر، رەسەي قاۋىپسىزدىك كەڭەسىنىڭ حاتشىسى نيكولاي پاترۋشيەۆ، روسگۆارديا باسشىسى ۆيكتور زولوتوۆ، ىشكى ىستەر ءمينيسترى ۆلاديمير كولوكولتسيەۆ جانە روسكومنادزور مەكەمەسىنىڭ باسشىسى الەكساندر جاروۆ بار. رەسەي ا ق ش- تى بۇل شەكتەۋىنە جاۋاپ شارالارىن ويلاستىرىپ جاتىر.
«ازاتتىق»
